Home -- Kazakh -- Perform a PLAY -- 063 (Sammy's discovery)
63. Сэмми ашқан жаңалық
Нью-Йорк көшелерінде суық жел соғып тұрды. Сэмми басы мен құлақтарын түгелдей қалпақпен жауып алды. Ол күнде кешке әкесімен бірге серуендеуге шығатын. Көшеде көліктердің шуы, тежегіштердің шиқылы естілді, үлкен сөмкелері бар әйелдер автобустарға қарай топырлаған адамдар арасынан өтіп бара жатты. Бәрі асығыс болды.
Сэмми: «Әке, бұл не?»
Бұл сөздер әкесін терең ойдан шығарды. Ол ұлынан сұрады:
Әке: «Балам, сен не туралы айтып тұрсың?»
Сэмми: «Жұлдыз туралы, әке. Мұнда жұлдыз бар, көрдің бе?»
Ол ғимараттардың біріндегі терезені қуана көрсетті. Терезенің сыртында, қараңғы бөлмеде шам жарқырап жанып, оның жалыны аспандағы жұлдыз сияқты көрінді.
Әке: «Бұл адамдар ұлына арнап терезенің жақтауына шырақ қойды. Ол өте алыс жерде, соғыста, жаумен соғысуда. Оған оқ тисе, шырақты сөндіреді».
Олар әрі қарай кетіп бара жатқанда, әкесі былай ойлап жүрді: Мен ұлымызға арнап, ешқашан терезенің жақтауына шырақ қоймаймын деп үміттенемін.
Сэмми үнемі жұлдыздарды іздеп жүрді.
Сэмми: «Әке, мұнда тағы бір шам бар. Ал осы пәтерде тағы біреуі бар. Қарашы, бір терезеде екі шам бар екен. Оларда соғысып жүрген екі ұлы бар шығар».
Көшенің соңында Сэмми басын көтеріп, кенеттен тоқтап қалды. Ол таңғаларлық бірдеңе болғандай тынысын тарып қалды.
Сэмми: «Міне, әке, ана жақта!»
Қараңғы аспанда бір жұлдыз жарқырады.
Сэмми: «Құдайдың Ұлы бар ма? Ол да терезенің жанына шырақ қойды!»
Әке: «Иә, Құдайдың Жалғыз Ұлы бар. Құдай Оны осы дүниеге, зұлымдыққа қарсы тұру үшін жіберді. Және Ол жеңді! Қару-жарақпен емес, сүйіспеншілікпен. Ол Өз өмірін жеңіс үшін берді. Ол тіпті Өзін айқышқа шегелеген жауларын да жақсы көреді. Құдай Өзінің Ұлын өлімнен қайта тірілтті. Ол арқылы біз Құдаймен және басқа адамдармен татулық таба аламыз».
Кейінірек Сэмми жиі терезедегі жұлдыздар туралы және дүниеде зұлымдықпен күресіп, Өз өмірін беріп, жеңіске жеткен Ұл туралы ойлайды.
Иса адамдарға тыныштық әкелді, бірақ жер бетінде адамдарға үлкен қасірет әкелетін сұмдық соғыстар әлі де жалғасуда. Көптеген адамдар бомба мен оқ астында өліп жатыр.
Және Құдайдың терезесіндегі жұлдызды сөндіру мүмкін емес. Бұл сөнбейтін жұлдыз - Иса Мәсіх, Ол Өзінен сұрағандардың барлығына құтқарылу мен тыныштық сыйлайды.
Рөлдер: Баяндаушы, әке, Сэмми
Авторлық құқықтар: CEF Germany