Home -- Aymara -- Perform a PLAY -- 063 (Sammy‘s discovery)
63. Sammyjj mä warawar catji
Nueva York callenacanjja ch’isi thayaw thayascäna. Sammyjj capuchampiw jinchupjj imt’asïna.
Take arumanacjamas tataparuw sarnakäwipan compañascän. Autonacajj wal t’ijunakascäna, frenonacapajja ist’asïnwa. Warminacajja phokha bolsanacas apt’asita nuqhunakasipcänwa autor maqhatañataqui. Takeniwa apuratäpjäna.
Sammy: “Papi, ¿cunataquis ucajja?”
Tatapajja, amuyunacapancascänwa, ucat jisct’i:
Padre: “¿Cunats parlascta?”
Sammy: “¡Warawarata, papi, warawarata! ¿Janit uñjctä?”
Thoktasitaw Sammyjj mä utan ventanaparuw wict’äna. Ucansti mä akquir velaw uñjasïna, ucajj mä warawarjamänwa.
Padre: “Jakejj yokapataquiw ventanarojj mä vela uscu. Jupast jayanquiwa, guerrana, enemigonacampiw nuwasisqui. Mä balatï jupar wact’aspajja ucat jiwaspajja, veljj jiwt’ayjjapjjaniw.”
Sarcasinjja awquijj lup’iscänwa chuymapana: Ojalay cunapachas ventänarojj jan mä veljja wawajjätac uchirista.
Sammyjj warawaranac thakascaquïnwa.
Sammy: “Papi, qhayan utji, qhayan utjaraquiwa. Uñjam, mä ventanan payaw utji, uca utan pä yokaw guerran utjpacha.”
Calle tucusjjasinjja Sammyjj alajj uñtatayna ucat sayt’atayna. Wali muspharatapinïnwa cuna jan amuycañas utjcaspa uqhama.
Sammy: “¡Uñtam papi, qhayana!”
Jicjjatataynawa jach’a warawara ch’amac alajj pachana.
Sammy: “¿Diosajj mä yokaniraquitï? Ventanapan mä warawaraniwa.”
Padre: “Jïsa, Diosajj mä sap Yokaniquiwa. Aca pacharuw qhitanitayna ñankhampi nuwasiñataqui. ¡Atipawayïw uca nuwasiñana! Janiw armanacampi jan ucasti munsiñampi. Jacañap apt’asi. Ucampis enemigonacaparojj qhitinacatï cruzaru ch’accatapcänja ucanacarus munawayascaquiwa. Diosajj jiwatat jactayawayiwa. Jupa tokew jiwasanacajja Diosamp sumancsna uqhamarac jakenacampisa.”
Walja cutinacaw Sammyjj uca warawarat amtäna uqhamarac qhititejj jacawic ñankha contra nuwasiñan aptäscatayna ucatsa. Jesusajj sumancañ apanïna. Ucampisa jichhürunacajja jan wali nuwasiñanaca utjascaquiwa ajjsaraña uqhamarac t’akhesiña apani. Bombanacas balanacas waljaninacan jacañanacap t’unji.
Ucampis jakenacajj janiw Diosan ventanapa warawararojj jiwt’ascaspati. Uqhamaraqui janiraquiw qhititejj khespiyasiñanïqui uqhamarac sumancañanïqui Jupar creyipqui ucanacataquejja, ucast Jesusarojja, jiwt’ayapcaspati.
Uñstirinaca: Parliri, padre, Sammy
© Copyright: CEF Germany