Home -- Aymara -- Perform a PLAY -- 064 (On the run)
64. Jaltatapa
¡Asquiw isch’uquitamajja! ¿Suma Navidad fiestti pasta? Walja jakenacapiniw takpach mundon festejapjje ucast cusisipjjaraquiw Jesusan wiñay reyin yurïwitapata.
Ucampis mayniw utjäna, janiw ucapachajj cusiscänt, niya 2000 maranacajjatapa: Herodes reyi. Reyïñap apt’asiñ ajjsarana. Wawa Jesusaruw jiwayañ amtäna; niyac yatjjatasina inti jals toket yatiñaninacata cawqhancascänsa. Ucampis yatiñaninacajja janiw cut’jjapjjataynati. Diosajj samcanwa satayna:
Dios: “Rey Herodesarojj jan cuttapjjamti. Macamaru cutjjapjjam jakha thacnäma.”
Uc lurapjjäna. Qhititï jesusar uñt’quejja, cusisisaw jaysi.
Yakha thacnämawa utanacaparu cutjjatayna. Ucampisa uqhamäquipansa chijejj Jesús wawataquejja utjascaquïnwa. Ucatwa Diosajj samcanjja Josearojj mä uñañchäwi churana:
Dios: “¡Sartasim! Irpjjarum wawamaru uqhamarac mamaparusa ucat Egiptor jaltam. Cunapachatï cutjjam sämajja uca pachcam ucäncam. Herodesajj take cun lurani wawar jiwayañataquejj.”
Joseajj Diosar munänwa ucat janc’aquiw ist’i. Chica arumawa sartäna ucatsti Maríampi Jesús wawampejja Egiptoruwa jaltawayi. Niyapiniwa, Herodesajj tantiyasjjataynawa yatiñaninanajja jan cuttaniñapjja avisañataqui.
Culirapanjja ajjsarcañpin satayna:
Herodes: “Take jisc’a wawanacaru pä marancamarujja jiwjayapjjam. Acasti niyaqui phokaspan. Jan suyt’asa, Belenan uqhamaraqui jac’anacapana.”
¿Lokheptpachänti Herodesajja? ¡Kawkcha jachañanacsa uqhamarac thekhesiñanacsa uca ordenapajja apaniwayi! Ucmapisa… Jesús wawarojja janiw jicjjatcänti. Janiraquiw cuns lurcaspänti.
Cunapachatï Jesusajj 3 maranijjänjja, uca ajjtañ reyijj jiwjjänwa. Joseajj mä angel tokew uc yatjjäna.
Dios: “¡Sartam! Wawama uqhamarac mamapampi irpjjarum ucatsti Israelaru cutt’am. Take jupar jiwayañ munirinacajja jiwatäjjapjjewa.”
Diosajj janiw wastat Josearojj cun sañapäcänsa. Joseajj Diosan aruparojj confiyänwa ucatsti ist’awayiwa. Maríampi Jesús wawampejj marcaparuw cutt’ana. Qhä Israelanjja, Jesusajj Nazaret marcanwa jacawayi uqhamarac jilawayi. Cunjamtï Diosajj jiscatayna uqhama.
Uñstirinaca: Parliri, voz de Dios, Herodes
© Copyright: CEF Germany