STORIES for CHILDREN by Sister Farida

(www.wol-children.net)

Search in "Fulfulde":

Home -- Fulfulde -- Perform a PLAY -- 023 (Peter starts again 8)

Previous Piece -- Next Piece

DRAMAS -- perform them for other children!
Plays for children to perform

23. Petruusu heåii fokkitande hesere 8


Suka : "Ko honɗun e satteende Petruusu wondi e mun?"

Jiwo : "Hinaa nii o woowi wonirde."

Suka : "Ko woni tun, hannde o aldaa e fijidaaru."

Jiwo : "Himo deýýi fota."

Hari Petruusu no niååiti. Himo wakkii sakoosi tedduɗo mo goɗɗo yi'ataa. Ko honɗun o waɗi nder ton? Haa hannde o wowlanaali goɗɗo fii ko woni e on saaku.

Hino ŋalɗini, ñannde kala nde o yahi ka duɗal e alatiije ɗen, haray himo wakkii sakoosi makko on. Petruusu no andunoo wonde o waawataa welude Alla hara himo wondi e ngal dongal.

O hooti ka makko, himo miijoo miijooji lugguɗi. Himo faalanoo wonude kanko tun feere, o naati ka saambur makko, o ɗaanii.

Tawi miijooji makko ɗin no yiilondirde e hoore ngal dongal ngal o rondii :

… piiji ɗi o wujji ɗin ka nder magasan.
… mbuuɗi ɗi o ýetti ɗin ka debehun ka yumma makko marata ɗon kaalisiiji ɗin.
… penaale e samakalaaji aaliiɗi ɗi o waɗi ɗin fii no yimåe åen haalira fii makko ko moýýi.

O waawataa jokkude waɗugol ɗin piiji, wano Petruusu miijori non. Rewrude e taariikaaji ittaaɗi ka Kitaabul-Muggadasi, himo anndi wonde annabi Iisaa no waawi heyɗintinde kala huunde. Fokkitande heyre, ko ɗun woni ko Petruusu faalaa, ko ɗun waɗini mo ko o woowaa waɗude : o juuli. O yewtiri annabi Iisaa nunɗal, o holli mo ko honno o ninsiri fii ko o waɗi kon fow.

O yewti on mo en waawataa yi'ude, ɗun e tawde himo wondi e men soono wo e o heɗoto en soono wo.

Petruusu : "Iisaa Joomi, mi jarnii ma fota, hiɗa yiɗin mi ɗun e tawde ko a anduɗo kala ko fewtin mi. Mi jeeji ma, yaafano lan penaale an ɗen e nguyaale an ɗen e konguɗi an kaanuɗi ɗin. Wattu åernde an nden åernde laaåude, artaa ka nder ngurndan an, wontanaa mi Joomiraaɗo. Aamiina!"

Åawto toragol makko, hakkee ko Petruusu yarlinano fota sabaneede ko annabi Iisaa jaabini kon torndeeji makko ɗin ɗon e ɗon. Wondude e weltaare, o wi'i ɗun ɗoo :

Petruusu : "Mi jarnii ma, yo Iisaa Joomi, a yaafanike lan, a wonday e an soono woo."

Åeya wattani yili e ko Petruusu wonti kon keso. O holli åe dalil on, hay si tawii woååe goo no jalude mo, åe alaa e faamude.

Haray an kadi hiɗa rondii suga ngal dongal?

Mi andaa ko honɗun woni ka nder sakoosi maaɗa, kono miɗo anndi wonde hiɗa waawi yewtude huunde kala annabi Iisaa. Waɗiraa no Petruusu waɗirnoo non!

Si hiɗa jebbilii waɗugol ɗun, haray miɗo weltii heɗitagol ma.


Yewtooåe : Fillitotooɗo, paykoy koy ɗiɗoy, Petruusu

© Copyright : CEF Allemagne

www.WoL-Children.net

Page last modified on December 07, 2021, at 09:58 AM | powered by PmWiki (pmwiki-2.3.3)