STORIES for CHILDREN by Sister Farida

(www.wol-children.net)

Search in "Aymara":

Home -- Aymara -- Perform a PLAY -- 026 (A friend betrays Jesus)

Previous Piece -- Next Piece

JISCKÁ UÑANCHAWINACA – ¡yakha wawanacataqui uñanchtáyam!
Jiscká uñanchawinaca uñanchawinaca wawanacataqui

26. Mä amigowa Jesusarojj aljjanti


T’ijusawa mä jakejja Jerusalen marca callenacapanjja jalnakascäna. Pächasisjama khepar uñtt’anwa, ucampisa Sumo Sacerdote puncupancjjänwa. Jist’antan puncu mankhansti parlasipcänwa Jesusar jiwayañataqui. Mayniw puncu jist’ari ucatsti sustjasiwa mä Jesusan arquiripa uñcatasina.

Mä amigowa enemigonacaquï ucar sari, ¿cun sañs muni ucajja?

Judas: “¿Cuns churapjjetasma nayajj sapjjerisma cawqhans Jesusarojj catjapjjasmajja?”

Ajanunacapanjja ñankha luraña larusiñaw utjäna.

Sumo sacerdote: “30 kollke chusapjjäma.”

Ratuquiwa amtapjjäna. Cusisitaw Judasajj palaciot sarjjatayna.

Conciencia: “Judas, Jesusan mä arquiripätawa. ¿Cunjams Tatitumar kollke laycu aljjantasma?”

¿Janit chuyapanjja cuna pesayasiñas ujcpachäna? Quimsa maraw Jesusan amigopätayna – sitaquiwa, ucampis chuymapajja Jesusat wali jayancänwa. Jichasti thakascänwa cunjam aljantaña uqhamarac catjayaña. Jesusasti take ucanaca yatïnwa. Sapa mayniruwajupajj uñt’i take cunanaca. Ucanacajja uqhamapiniñapänwa.

Jesusajj yatïnwa jupan jiwañap horasajja purïnjjataynawa, ucatsti Getsemaní jardinaruwa oración lurir sarjjatayna.

Mayacwa chajjwa ist’asina ucach’uju arumana. Judasajj mä soldado tamampi espadanacampi ninampi uqhamaw jutapjjatayna.

¿Amigo jan ucas enemigo?

Jamp’att’asina, amigonacan aruntäwipa, Judasajj soldadonacar uñacht’ayi, qhitis uca jakenac taypitjja Jesusänjja. Janc’aquiwa soldadonacajj catuntapjje.

Jan sintt’asisaw mutuyapjjäna.

Lek’jjata, jawk’jjata, ajanus thusjata uqhamaw janjuchanejja juez nayrakatapancäna. C’ari testigonacaw juchañchapjjäna.

Templon guardiapajja art’ataynawa: “Janit juchanchawinacarojj cun sañamas utjqui?”

Ucampis Jesusajj amuquïscanwa.

Sumo sacerdote: “Mayaquï samjja, ¿chekpachapiniti Diosan Yokapata?”

Jesús: “¡Jisa uqhqmätwa!”

Marca: “¡Janipiniwa!”

Marca: “¡Janiw uqhamäcaspati!”

Marca: “¡Jiwañapaquiwa!”

Marca: “¡Acat apsupjjam!”

Janiw chekañap munapcänti. Ucjjarusti…

Jutirina acat parlascaquiñäniwa.


Uñstirinaca: Parliri, Judas, sumo sacerdote, conciencia, guardia del templo, Jesús, pueblo

© Copyright: CEF Germany

www.WoL-Children.net

Page last modified on August 07, 2023, at 08:45 AM | powered by PmWiki (pmwiki-2.3.3)