Home -- Punjabi -- Perform a PLAY -- 026 (A friend betrays Jesus)
!ڈرامے- ایناں نُوں اپنے بیلیاں لئی ادا کرو
بچیاں دے ادا کرن لئی ڈرامے
62. ا ک بیلی یسوع نوں دھوکھا دینداے
بیلی یا ویری؟ تُسی کیہ سوچدے ہو؟
اوہ چھیتی چھیتی یروشلیم دیاں گلیاں وچ ٹُر رہیا سی۔ فکرنال اوہنے پیچھے مُڑ کے ویکھیا تے آخر اوہ سردار کاہن دے گھر اپڑ گیا۔ بند بوہیاں اولے منصوبے بنائے جا رہے سن۔ ایہہ لوک یسوع نوں جانوں مارنا چاہندے سن۔ کسے نے بوہا کھولیا تے حیران ہو گیا پئی یسوع دا چیلا باہر بوہے اُتے کھلوتا سی۔
اک بیلی ویری دے کول گیا۔ ایہدا کیہ مطلب اے؟
یہوداہ: ”جے میَں تہانوں اوہ تھاں دساں جتھے تُسی یسوع نوں پھڑ سکدے او تے تُسی مینوں کیہ دیو گ؟“
ساریاں دے مُنہ اُتے اک مغرور ہاسا دِسیا۔
سردار کاہن: ”اسی تینوں چاندی دیاں ۰۳ اشرفیاں دیاں گے۔“
چھیتی ای سودا ہو گیا۔ یہوادہ خوشی نال محّل توں ٹُر گیا۔
ضمیر: ”یہوادہ، تُو یسوع دا چیلا ایں۔ تُو تھوڑے جیہے پیسیاں لئی کس طرح اوہنوں دھوکھا دے سکنا ایں؟“
اوہدے ضمیر نے اوہنوں بہت سمجھایا ہووے گا۔ تین وریاں توں اوہ اک بیلی سی، پر اوہدا دِل یسوع توں دُور سی۔ تے ہن اوہ یسوع نوں دھوکھا دین لئی ٹھیک موقعے نوں اُڈیکدا پیا سی۔ پر یسوع ہر گل جاندا اے؛ اوہ ہر کسے نوں اندروں باروں جاندا اے۔ ایہہ سب کجھ ایسے طرح ہونا سی۔
یسوع جاندا سی پئی اوہنے مرنا اے، تے اوہنے باغ گتسمنی دے وچ دُعا کیتی۔ اچانک بہت واجاں آون لگ پیاں یہوداہ تے سپاہی مشلاں تے تلواراں لے کے آگئے۔
بیلی یا ویری؟
یسوع نے اک واری آکھیا سی: ”جیہڑا میرے نال نئیں اور میرے بر خلاف اے۔“
مُنہ چُم کے، جیہڑی کہ سنگت دی نشانی اے، یہوداہ نے آپنے مالک نوں دھوکھا دِتا۔
بجلی دی چمک وانگ فوجیاں نے چھیتی نال یسوع نوں پھڑیا تے قیدی بنا کے لے گئے۔
اوہناں نے اوہدے اُتے بہت ظلم گزاریا۔ اوہناں نے اوہنوں ماریا، کوڑے مارے تے اوہدے مُنہ اُتے تُھکیا۔ تے فیر اوہ ایس بے قصور نوں منصف دے کول لے گئے۔
جھوٹے گواہواں نے اوہنوں مُجرم ٹھہرایا۔ ہیکل دا راکھا وی رویا:
ہیکل دا راکھا: ”کیہ آپنے بچاﺅ لئی تہاڈے کول آکھن لئی کجھ نئیں؟“
یسوع خموش رہیا تے کجھ وی نہ بولیا۔
سردار کاہن: ”ہن سانوں دس۔ کیہ تُوں خُدا دا پُتر ایں؟“
یسوع: ”آہو میَں ہاں!“
لوک: ”کدی نئیں ہو سکدا!“
لوک: ”اسی ایہدا یقین نئیں کر دے!“
لوک: ”ایہنوں مار دینا چاہیدا اے!“
لوک: ”ایہنوں دور لے جاﺅ!“
لوک: ”ایہنوں مار دینا چاہیدا اے!“
اوہ ایس گل اُتے یقین نئیں سن کرنا چاہندے۔ تے فیر؟
اگلے ڈرامے وچ کہانی جاری اے۔
لوک: بیان کرن والی (تے ضمیر)، یہوداہ، سردار کاہن، ہیکل دا راکھا، یسوع، لوک
حقوق: بحق سی ای ایف جرمنی محفوظ نے۔