Home -- Malagasy -- Perform a PLAY -- 026 (A friend betrays Jesus)
26. Nisy namana iray namadika an'i Jesoa
Namana sa fahavalo? Ahoana ny hevitrao?
Nandeha haingana tamin'ny lalana tery tao Jerosalema izy. Nanahy mafy izy ka niherika farany taloha kelin'ny nidirany tao an-tranon'ny mpisoronabe. Nisy ny planina maty paika navoaka tao amin'ny mangingina tao. Ireo lehilahy ireo dia nitady hamono an'i Jesosy. Nisy anankiray nanokatra ny varavarana dia gaga izy nahita ilay mpianatr'i Jesoa teo.
Nisy namana iray mankany amin'ny fahavalo-inona no dikan'izany?
Jodasy: "Inona no omenao ahy raha ambarako aminareo ny toerana ahafahanareo misambotra an'i Jesoa?"
Nisy tsiky manambany hita teo amin'ny endrik'ireo hafa.
Mpisoronabe: "Omenay sekely volafotsy 30 ianao."
Voalamina haingana ny raharaha. Faly i Jodasy nandao ny lapa; saingy niampanga azy ny feon'ny fieritreretany...
Feon'ny fieritreretana: "Ry Jodasy, mpianatr'i Jesoa ianao. Nahoana ianao no mamadika azy amin'ny vola madinika vitsivitsy?"
Nandritra ny telo taona, dia-toa hoe-namana izy, saingy lavitra an'i Jesoa ny fony. Hita eto, fa niandry ny fotoana mety izy hamadihana an'i Jesoa. Fa Jesoa mahalala ny zavatra rehetra; mahafantatra tsara ny olona tsirairay Izy. Tsy maintsy izay no nitranga. Fantatr'i Jesoa fa tsy maintsy ho faty Izy ary nivavaka tao amin'ny Sahan'i Getsemane. Tampoka teo dia nisy tabataba be. Jodasy sy ireo miaramila no tonga nitondra fanilo sy sabatra.
Namana sa fahavalo?
Hoy i Jesoa indray andro: "Izay tsy momba Ahy dia manohitra Ahy."
Tamin'ny oroka izay mariky ny fifankatiavana no namadihan'i Jodasy ny Tompony. Nanoroka ny tavan'i Jesoa izy mba hanondroana amin'ireo miaramila hoe iza no tokony hosamborina. Vetivety dia nirohatra ireo miaramila ary naka an'i Jesoa tahaka ny mpifatotra. Nampijaly azy tamin'ny fomba feno habibiana izy ireo. Nokapohin'izy ireo izy, novelesiny, ary nororany ny tavany. Avy eo dia nentin'izy ireo tany amin'ny mpitsara ilay lehilahy tsy manan-tsiny. Nisy ireo vavolombelona mandainga niampanga Azy. Ary ny mpanompo tao amin'ny tempoly niantsoantso hoe:
Mpanompon'ny tempoly: "Tsy manana zavatra holazaina hiarovanao ny tenanao ve ianao?"
Jesoa nangina ary tsy niteny na inona na inona.
Ny mpisoronabe: "Lazao aminay: Zanak'Andriamanitra va Hianao?"
Hoy i Jesoa: "Izaho no Izy."
Ny olona sasany: "Tsy marina izany!"
Ny olona sasany: "Tsy mino izany izahay!"
Ny olona sasany: "Mendrika ny ho faty izy!"
Ny olona sasany: "Raiso izy!"
Ny olona sasany: "Tokony ho faty izy!"
Tsy te hino izany izy ireo. Inona no manaraka?
Ho hitantsika izany amin'ny tohin'ny tantara.
Mpandray anjara: Mpitantara (sy feon'ny fieritreretana), Jodasy, mpisorona sy mpanompo, Jesoa, ny olona sasany
© Zon'ny mpamorona: CEF Alemaina