STORIES for CHILDREN by Sister Farida

(www.wol-children.net)

Search in "Aymara":

Home -- Aymara -- Perform a PLAY -- 025 (The saddest story)

Previous Piece -- Next Piece

JISCKÁ UÑANCHAWINACA – ¡yakha wawanacataqui uñanchtáyam!
Jiscká uñanchawinaca uñanchawinaca wawanacataqui

25. Juchajj takpachaniruw manti


¿Yattati qhitis janipin urunïnjja? Adán uqhamarac Eva, jupanacajja janiw nacipcataynati, jan ucasti Diosan luratäpjjanwa. Ucampisa walli cusisitäpjjänwa sapürunacasa urunacapäcaspä uqhama. Diosam ch’ictataw jacapjjäna. Jupampiw parlapjjäna uqhamarac ist’apjjaraquïnwa arupa. Janiw ch’ajjwapcänti, usus utjcänti, ni llaquisiñanacasa. Diosajj regalonacampiw phokantäna ucatsti saraquitaynawa:

Dios: “Take achunaca take jardín kokanacatjja mank’apjjasmawa, cawquïriti chicachicanqui ucatacwa jan mank’apjjañamäquiti. Cunüruti uca wali jan wali yatiñ kokat mank’apjjatajja, jiwapjjätawa.”

Take cunas jupanacancänwa, mayaquïwa jan uqhamacänti. Adán uqhamarac Evasti Diosaruw munapjäna, ucatwa cusisita jaysapjjäna.

Ucampisa ucapachawa maynejj qhititï jan munqui jakenacajja Diosampi sum sarnakañapjja ucaw uñstawayi: jupaj supayawa. Nayrajj jupajj angelänwa. Ucampisa janiw Diosar cascänti, jupawa Diosjamäña munäna ucawa alajj pachatjja alisnucutatayna.

Diablo: “¿Chekpachati Diosajj jumanacarojj saptamjja janiw ni mä jardín kokanacatsa mank’apjjañanacamäquiti?”

Eva: “Take kokanacatjja mank’asipctwa, maynitac janijja, jan ucasti, jiwapjjwristwa.”

Diablo: “Janiw jiwapcätati.”

Diosan enemigopasti, supayajja c’aripiniwa. Diosan arunacapa k’ewinucu ucatsti pächasiña apanti. Evajj Diosan camachipjja yatïnwa, ucampisa uca c’ariruwa isch’uquïna. Mallt’añ munäna, apjjarutaynawa, mank’antataynawa ucatsti chachapap jupamp chict’atacänjja juparuwa churatayna.

Jan Diosar jaysañajja juchawa uqhamaraqui wali jan walinaca apani. Janiw cunas nayrjamäjjänti.

Cunapachatï Diosajj jutatayna ucjajja sataynawa:

Dios: “¿Adán, cawqhantasa?”

Cunapachatï Diosajj jawsataynajja ajjsarapjjataynawa (janiw cuna pachasa nayrajj ajjsarapcataynati) ucatsti imantasipjjataynawa. Maynit mayniruwa juchañchasipjjäna cuntejj pascatana ucata.

Juchajja janiw cuna pachasa c’uchisiña apanquiti, Dios chekasti mutuyañapawa. Juchasti jiwañwa apani. Jiwañ sañ muniwa Diosat jayancaña.

Adán Evampisti paraísota sarjjañapänwa.

Ancha jan waliw pasatayna: Juchajja, jan walijja takeniruwa mantatayna ucat acsarusti take jakenquiwa.

Ucampisa Diosajj munasiñawa ucatwa Adán Evarusti arsutayna mä khespiyiri qhithaniña, jucha mutuyäwi catokañapataqui uqhamata jakenacajja wastat jupar jac’achasipjjañapataqui.

Jutiri cuentowa qhitis ucj yatiyapjjätam


Uñstirinaca: Parliri, diablo, Eva, Diosan arupa

© Copyright: CEF Germany

www.WoL-Children.net

Page last modified on August 07, 2023, at 08:45 AM | powered by PmWiki (pmwiki-2.3.3)