STORIES for CHILDREN by Sister Farida(www.wol-children.net) |
|
|
Home عربي |
Home -- Punjabi -- Perform a PLAY -- 114 (An angel came) This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- Platt (Low German) -- Portuguese -- PUNJABI -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
!ڈرامے- ایناں نُوں اپنے بیلیاں لئی ادا کرو 411. ا ِک فرشتہ آیامرقس قلین اُتے لیٹیا سی۔ اک دلچسپ کتاب نے اوہدا دھیان آپنے ول لایا ہویا سی۔ (بوہے اُتے گھنٹی دی واج) مرقس: ”ایس ویلے بوہے اُتے کون اے؟“ (بوہا کھُلن دی واج) مرقس: ”ایلکس، ایہہ توں ایں؟ توں کِتھوں آیا ایں؟“ حیران کر دِینا کامیاب ریا۔ مرقس چپ سی۔ اوہدا بڑا چنگا بیلی دو سال پہلاں ٹُر گیا سی، تے اینے ویلے تھوں اوہناں اک دوجے نوں نہیں سی ویکھیا۔ اسرائیل وچ اک جوان کُڑی دے گھر ایسا پروہنا آگیا جہدا اوہنے سوچیا وی نہیں سی۔ بغیر پوچھے۔ اچانک اوہ اوس کُڑی دے سامنے آ کھلوتا: اک فرشتہ! خدا وی ایسا ای اے۔ اوہ اچانک آوندا اے۔ جدوں کوئی وی اوہدے بارے وچ نہیں سوچدا پئی اوہ آ سکدا اے۔ مریم نوں وی حیرانی ہوئی۔ فرشتہ: ”ڈر ناں مریم۔ خدا تینوں پیار کردا اے۔“ خدا آوندا اے تے ساڈے نال گل کردا اے۔ تے اوہنے اج وی ایہو ای کیتا۔ اوہ آپنے کلام دے وسیلے ساڈے نال گل کردا اے، بائبل مقدس دے وسیلے۔ کئی واری اوہ کرامات دے وسیلے وی گل کردا اے تے دوجے لوکاں دے وسیلے وی۔ جدوں بائبل نئیں سی ہوندی، اوہنے کئی واری سُفنیاں دے وسیلے گل کیتی یا فرشتیاں نوں لوکاں دے کول گھلیا۔ فرشتہ: ”مریم، خدا تیرے نال اے۔ تیرا اک پُتر ہووے گا۔ توں اوہدا ناں یسوع رکھیں۔“ مریم: ”ایہہ کس طرح ہو سکدا اے؟ میری تے شادی نہیں ہوئی تے میرا تے بندہ وی نہیں اے۔“ فرشتہ: ”خدا تیرے وسیلے کرامات کرے گا۔ روح القدس تیرے اُتے نازل ہووے گا تے خدا تعالیٰ دی قدرت تیرے اُتے سایہ کرے گی۔ ایس سبب اوہ مولودِ مقدس خدا دا پُتر کہوائے گا۔“ مریم: ”میَں خداوند دی خدمت کراں گی۔ میرے نال تیرے قول دے موافق ہووے۔“ کرامات ہوئی۔ بیت لحم دے اصطبل وچ خدا دا پُتر جمیا سی۔ مسیح یسوع وچ ہو کے خدا ساڈی دُنیا وچ آیا سی۔ خدا ساڈے کول آیا تاں جو اسی اوہدے کول آ سکئے۔ میَں کئی واری کرسمس منایا اے، پر ایس کرامات تھوں میَں سدا حیران ہوندی اَں۔ اُتم خدا انسان بن کے ساڈے کول آ گیا۔ یسوع دے وسیلے خدا ساڈے نیڑے آ گیا، ایڈا نیڑے پئی لوک اوہنوں ویکھ سکدے سن تے اوہنوں چھو سکدے سن۔ اوس ویلے ایالی ایس گل تھوں بڑے خوش ہوئے سن۔ خدا ساڈے کول آوندا اے، تے مسیح یسوع وچ اوہ تہاڈے کول وی آ سکدا اے۔ کیہ تُسی اوہنوں آپنی حیاتی وچ آن دا صدا دینا پسند کرو گے؟ تُسی دعا کر کے ایس طرح کر سکدے او، شاید ایس طرح: مرقس: ”خداوند یسوع، مہربانی نال میری حیاتی وچ آﺅ۔ میَں تہاڈے لئی آپنے دل دا بوہا کھولدا اَں۔ میَں سدا لئی تہاڈے نال تعلق رکھنا چاہندا اَں۔ میرے لئی تہاڈے اُتم پیار لئی شکریہ۔“ خدا تہاڈے کول آوندا اے تاں جو تُسی اوہدے کول آﺅ۔ لوک: بیان کرن والی، مرقس، فرشتہ، مریم حقوق: بحق سی ای ایف جرمنی محفوظ نے۔ |