Platt - Low German, Dramas: Piece 108 – Bela äare Bibel

Home -- Platt (Low German) -- Perform a PLAY -- 108 (Bela‘s Bible)

This page in: -- Albanian -- Arabic ? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi ? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam ? -- PLATT (LOW GERMAN) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish ? -- Swiss German ? -- Tamil -- Turkish -- Ukrainian -- Urdu -- Uzbek

Previous Piece -- Next Piece

DRAMASTEKJA – doo aundre Kjinja daut väaspälen!

Dramastekja fa Kjinja toom väadroagen

108. Bela äare Bibel

De Zijunewoagen stukad äwa de Gaus. Kjinja deeden met de Haunt wenjen.

Bela: "Papa, ekj mucht mol bie eenem Bua oabeiden."

Papa: "Daut woat die boolt langwielich woaren."

Mama: "Bela un oabeiden. Daut es ji toom lachen."

Daut musst Bela oajren, daut siene Elren am daut nich totruen deeden. Biem näachsten Darp sprunk Bela eefach rauf, un rand fuat.

De Buaschhof met de Bloomen oppem Fensta jefol am. (Kloppat)

Bua: "Gooden Dach. Wäa best du?"

Bela: "Ekj heet Bela, un mucht jiern bie junt oabeiden."

Bua: "Du kjemst krajt rechtich fa de Ätschokearnt. Oba toiescht jeft daut waut toom äten, kom nen."

Daut rijd soo scheen ut de Kjäakj un dan späad Bela oppeenmol daut hee riesengrooten Hunga haud.

Bua: "Wie bäden toom Aunfank. Aule goode Gowen, aules waut wie haben, kjemt o Gott von die. Un doafäa dank wie die. Amen."

Bäden un sogoa Bibel läsen, daut wia fa Bela gaunz framd.

Oba hee wia jiern bie däm frindlichen Bua. Sogoa daut oabeiden jinj am scheen, uk wan am Zeowens de Rijen sea wee deed. Eene Wäakj wia vegonen.

(Hunj ballen)

Bela: "Nero, waut es, west du opp däm Hof spälen?"

Nero spetzt siene Uaren. Bela hied uk waut. (Geigenspell)

Bela: "Nero, doa spält ji jemaunt Geige. Daut sent bestemt miene Elren. Dee setten aum Fia, un broden sich eenen Igel un sinjen Leeda. Ekj banj mie oppeenmol gaunz sea. Vesteist du daut?"

Bela kjjd in de Kjäakj nen, oba doa wia kjeena. Hee naum de Bibel, waut opp däm Desch lach un veschwunk in de Nacht.

Papa: "Bela, doa best du doch wada. Hast du waut metjebrocht?"

Bela: "Dit Buak hab ekj metjebrocht."

Mama: "Grigor kaun läsen."

Grigor: "Paust opp, dit es een heiljet Buak. Hia steit: Daut nie Testament von onsem Harn Jesus Christus."

Mama: "Daut es waut goodet. Las ons waut fäa!"

Grigor: "Een Maun kaum no Jesus un fruach: Waut mot ekj doonen, daut ekj daut eewje Läwen hab? Jesus säd to am: Hool Gott siene Jebote. Du saust nich stälen."

Papa: "Du saust nich stälen?"

Gaunz bedutzt kjijden sich de Zijone aun, aula hauden aul mol jestolen. Bela sogoa de Bibel. Oba dan brocht Bela de Bibel uk aun disem Dach trij.

Bua: "Bela, doa mott ekj mie doch wundren. Du hast de Bibel? Ekj schenkj die dee."

Bela: "Es daut soo, ekj doaf dee fa mie behoolen?"

Bela wia jlekjlich.

Derch de Bibel lieeden de Zijone Jesus kjanen un am vetruen.

Persoonen: Eena waut vetalen deit, Bela, Papa, Mama, Grigor, Bua

STORIES for CHILDREN by Sister Farida

108. Bela äare Bibel