STORIES for CHILDREN by Sister Farida

(www.wol-children.net)

Search in "Quechua":

Home -- Quechua -- Perform a PLAY -- 047 (Arsonist 6)

Previous Piece -- Next Piece

DRAMAS -- perform them for other children!
Plays for children to perform

47. Ruphaykuchej kuna 6


Uj domingo tardeyayta TiFamqa t’ukuspa qhawasqa imaynatachus inti Haití suyumanta phuyus ukhuman chinkaykojta qhawasqa. Manchay kusisqa kashasqa, imaraykuchus manaraj unaychu Diospa wawan kasqanmanta kasharqa.

Tatantajrí, layqa imakunallapipuni, Bibliantapis qhechuspa llink’irpapusqa. Jinapis Jesusqa TiFampa sonqompiña kawsarqa chaytaqa mana nipi qhechuyta aterqachu. TiFamqa mana phiñasqachu kasharqa tatampajqa, payqa chay jawanejpi tiyasqa kasharqa, chay jianta ruwasqanmantapis, chay imillitaqa munakorqapuni. ¿Payqa yachanmanñachu karqa imakunachus jamushasqantaqa?

TiFam: "Tatáy, hermano Víctorqa sapa somingo jamun kay llajtanchejman predicaj."

Orestil: "Allin kanman amaña rikhurimunan."

Chay phiña runaqa simin ukhullapi thutushallarqapuni, jinapis mana rimariyta atisqachu chay paqarin pakayllamanta iglesia wasallamanta uyarisqantaqa. Tukuy tiempo yuyaynimpi kasqa Víctorpa nisqasninqa.

Víctor: "Jesús cambiawarqa kawsayniyta. Almasta manchikuspa kawsarqani chaykunatataj servispa. Maypachachus Jesuspa munakuyninta uyariytawan, creírqani. Kunantaj manchay kusisqa kani, yachanitaj ni jayk’aj sapayñachu kanayta."

Chay layqa runaqa uj juch’uy wasisituta almaspaj nispa ruwasqa chayman risqa, yaykuspataj.

Orestil: "Urariwaychej almas, espíritus, kunan rikuchiwaychej atiyniykichejta. Chay evangelistaspa iglesiankuman ninata jap’iykuchispa ruphaykuchiychej. ¿Munankichejchu yanapanayta?"

Chawpi tutata tukuy puñushajtinkutaj, uj nina michata apasqa Iglesianmanqa. Asiymanta wañuspa ichhuwan qhatasqa khiraman ninata jap’iykuchinampaj ajpatasqa. Jinallapi uj maki jap’iykamusqa makinmanta. Hechicerotaj kikimpi tika sayasqa imanakuyta mana atispa.

Orestil: "¿Víctor, maymantataj jamushankirí?"

Víctor: "Jesús kashamuwan qanwan parlanaypaj. Pay munakusunki."

Orestil: "¿Imaynatataj munakuwanmanrí? Noqa servini espíritus malignosta, almasta, llullakuni, wañuchiyta munarqayki, kunantaj iglesiatapis kanaykusharqani. Imillitay TiFampa Bibliantapis llik’irpapuni. ¿Imaynatataj chay jina imakunata ruwashajtiypi Dios munakuwanmanri?"

Víctor: "Chay tukuy juchasniykirayku k’aspi cruzpi Jesús wañorqa. Paytaj munan perdonasuyta."

Orestil: "Tukuy mana allinta ruwasqaymanta arrepientikuni. Munani sonqo tiyasqa kayta chanta Diospa wawantaj kayta munani."

Layqa runaqa cheqatapuni chay kutipi nisharqa. Tukuy imakunachus layqeriosta ruwanampaj kaj chhikata kanaykuspa wajina kawsayta qallarisqa. Chaymantapacha uyanqa llimphirisqa, kusikusqa. Astawanqa kusikusqa imillitan TiFampuni.

Jesúcristoqa cheqapuni, Haití suyu kaypi kashan. Jesús jap’eqan tukuy pikunachus Payman chimpaspa Diospa wawan kayta munajkunata.

Ajinatamin nin Bibliapeqa: Astawampis sutimpi creejtinku, tukuy payta jap’ikojkunaman atiyta qorqa Diospa wawasnin ruwasqa kanankupaj, nispa (Juan 1:12).


Personajes: Relator, TiFam, Orestil, Víctor

© Copyright: CEF Germany

www.WoL-Children.net

Page last modified on April 15, 2021, at 10:50 AM | powered by PmWiki (pmwiki-2.2.140)