Home -- Punjabi -- Perform a PLAY -- 088 (The big contest question)
!ڈرامے- ایناں نُوں اپنے بیلیاں لئی ادا کرو
بچیاں دے ادا کرن لئی ڈرامے
88. وڈے مقابلے داسوال
مقابلے دا سوال: ساریاں نالوں ودھ سیانا کون اے؟
کُڑی: ”اوہ تےسٹیفن ای ہو سکدا اے، استاد دا پالیا جانور۔“
مُنڈا: ”میرے خیال وچ ڈَرک دا دماغ کمپیوٹر وانگ چلدا اے۔“
کُڑی: ”اوہ۔ اوہ سوچدا اے اوہ سمجھ دار اے، اونج تے اوہ؟“
کیہ تُسی کسے ہوردے بارے وچ سوچ سکدے او؟
مُنڈا: ”یونیورسٹی دا پروفیسر۔“
کُڑی: ”کوئی ایہو جیہا وی عقل مند ہو سکدا اے جہنے کوئی شے بنائی ہووے۔“
مُنڈا: ”مثال دےطور اُتے آئن سٹائن یا فیر پیتھا گورس۔“
میرے سوال دا جواب اجے تیک نہیں ملیا۔
کیہ تُسی جاندے ہو پئی کون ساریاں نالوں ودھ عقل مند اے؟
بائبل ایہدے بارے وچ کی آکھدی اے، سُنو۔
کیہنوں لگدا اے پئی یسوع ساریاں نالوں ودھ حکمت والا اے؟ چنگی طرح غور کرو، کیوں جو تہاڈے کول ساریاں نالوں ودھ عقل مند بنن دا موقع اے۔
یسوع: ”ہر کوئی جیہڑا میریاں گلاں نوں سُندا اے تے اوہناں اُتے عمل کردا اے اوہ عقل مند بندہ اے۔ اوہ ایسا بندہ اے جیہڑا اپنا گھر چٹان اُتے بناوندا اے۔ ایہدا مطلب اے پئی اوہنے پہلاں چنگی نیہ رکھی، بھاویں ایہہ بعد وچ نہیں دِسے گی۔ اوہدا گھر دھرتی اُتے مضبوطی نال کھلوتا رہیا۔ جدوں طوفان آیا تے دھرتی اُتے ہڑ آ گیا، تے واواں وگیاں تے مینہ نال ندیاں تیز وگن لگ پیاں، اوہدا گھر مضبوطی نال کھلوتا رہیا۔ ایہہ گھر ڈِگیا نہیں کیوں جو ایہدی نیہ بڑی چنگی سی۔
پر ہر کوئی جیہڑا میریاں گلاں نوں سُندا اے تے اوہناں اُتے عمل نہیں کردا اوہ بے وقوف اے۔ اوہ اوس بندے وانگ اے جہنے اپنا گھر ریت اُتے بنایا۔ جدوں طوفان آیا تے واواں وگیاں، تے اوہدا گھر ٹوٹے ٹوٹے ہو گیا۔ اوہدا گھر ڈگ پیا تے بڑا نقصان ہویا۔“
اوہ لوک جنہاں نے یسوع نوں سُنیا اوہناں نوں بڑا چنگا لگیا۔ کسے بندے دےعقل مند ہون دا نشان ناں تے چنگا ناں، ناں ای کوئی نشان، تے ناں ای کوئی چنگیاں گلاں ہو سکدیاں نے۔ تے فیر کیہ ہوسکدا اے؟
اک طریقہ اے جہدےتھوں اسی ایہہ جان سکدے اَں پئی کوئی بندہ واقعی عقل مند اے یا نہیں۔
جے تہاڈے کول بائبل ہے تے مہربانی کر کے متی دی انجیل اوہدا باب نمبر ۷ تے اوہدی آیت نمبر۴۲ پڑھو۔
متی دی انجیل اوہدا باب نمبر ۷ تے اوہدی آیت نمبر ۴۲ وچ تہانوں ایس مقابلے دےسوال دا جواب دو لفظاں وچ مل جاوے گا۔ کون عقل مند اے؟
اپنے جواب دے نال میرے نال رابطہ کرو۔ کیہ تسی حصّہ لو گے؟
تے فیر سوچو کیہ تُسی اوہناں وچوں اک ہو جنہاں نوں یسوع نے عقل مند دے طور بیان کیتا اے۔
لوک: بیان کرن والی، مُنڈا، کُڑی، یسوع
حقوق: بحق سی ای ایف جرمنی محفوظ نے۔