96. مقابلہ ۲

سوپ دا پیالہ میز اُتے پیا سی پر کسے نے کجھ نہ کھادا۔ دو جگہ خالی نے۔ کیہ اوہ سدا خالی رہن گیاں؟

مشنری: ”ایہدا کوئی فیدہ نئیں ہو رہیا۔ اسی تری ورھیاں تھوں اسکیمو وچ کم کردے پئے اَں تے اوہناں نوں یسوع دے بارے دسدے پئے اَں، پر اوہ یقین ای نئیں کردے۔ اوہناں دے دِل ایڈے ٹھنڈے نے جس طرح برف ہوندی اے۔“

مشنری عورت: ”تے ہن ایہہ ہوندا پیا اے۔ دو مشنری تے تین اسکیمو برف اُتے گڈی چلاندے نے تے ایہہ نئیں جاندے پئی زور آور ٹھلاں آوندیاں پیاں نے۔ اوہ لوک مر جاون گے تے جادوگر وی ساڈے اُتے ہسے گا۔“

مشنری: ”اسی ہار نئیں مناں گے۔ اسی دُعا کراں گے۔ جے یسوع نے چاہیا تے اوہ اوہناں نوں بچا سکدا اے۔ اسمان تے دھرتی دا کُل اختیار اوہنوں دِتا گیا اے۔“

جدوں اوہ دُعا کردے پئے سن تے سمندر وچ بہت ہنیری آئی۔ زور آور ٹھلاں نے سمندر اُتے بنی برف دی طے نوں توڑ دِتا۔ پنج اسکیمو آپنی برف والی گڈی اُتے آپنی زندگی لئی پکارن لگ پئے۔

موسیٰ: ”برف ٹُٹدی پئی اے! اسی مر جاواں گے۔“

اسکیمو: ” کُتیاں نُوں تیز ی نال دوڑاؤ۔“

موسیٰ: ”چلو! کنڈے نوں لبھو۔“

کُتے بڑی تیز دوڑے۔ وا وچ اک پھوارا اُبھریا۔ برف دے وڈے ٹوٹیاں نے راہ روک لیا۔ اوہ تقریباً بے ہوشی وچ ٹبیاں اُتے اپڑے۔ اوہناں دی برف والی گڈی اسمان تے پانی دے وچکار لمک گئی۔ کُتے ہور نئیں دوڑ سکدے سن۔ موسیٰ نے پچھاں مُڑکے ویکھیا۔ اوہدا دِل جیویں رُک ای گیا۔ برف دی اک وڈی چادر جیہی اوہناں ول آئی۔ اوہ اوہناں نوں ٹبیاں دے نال مِدن والی سی۔ موسیٰ نے یسوع نوں پکاریا۔

موسیٰ: ”خداوند یسوع، ساڈی مدد کر!“

اک وڈی زور دی واج دے نال اوہ برف دی چادر اوہناں دی برف والی گڈی وَل کار چُکن والی مشین وانگ ودھی تے اوہنوں اُتے چُکیا تے کنڈے وَل سُٹ دِتا۔

موسیٰ تے اسکیمو: ”بچ گئے! اسی بچ گئے!“

فیر اک ہور اُچی ٹھل آئی تے ساریاں نوں دھکا لگیا۔ سارے پِجے ہوئے سلامتی نال اُچی تھاں اُتے جا چڑھے۔ اوہناں نوں نو دن تیک ایس وڈے خطرے نوں برداشت کرنا پیا۔ تے فیر آخر، جدوں برف فیر مضبوط ہو گئی تے اوہ گھر جا سکدے سن۔ خدا نے اوہناں دی رکھوالی کیتی سی۔

کولّی نے اوہناں نوں بڑی دُوروں ای ویکھ لیا۔

کولّی: ”کُپّا، اوہ آوندے پئے نے! اوہ آوندے پئے نے!“

کُپّا: ”کون؟“

کولّی: ”مشنری۔ یسوع مقابلہ جِت گیا اے!“

کُپّا: ”ایہہ نئیں ہو سکدا! نو دِناں بعد کوئی وی زور آور ٹھلاں دے خطرے تھوں بچ کے مُڑ نئیں آ سکدا۔“

جادوگر نے اوہناں نوں دسیاں بغیر ای سمندر وچ گڈی لے کے جاون دِتا۔ بھیڑے حال وچ پر سلامتی نال، اوہ بندے مُڑ گھر آ گئے۔ ایہہ خدا دی اک کرامات اے۔

کُپّا نے ایہہ جان لیا تے یسوع دا یقین کر لیا۔ خوشی دے مارے کوئی دوڑ کے گرجے وَل گیا تے گھنٹیاں وجا دِتیاں۔ اوس ویلے تھوں بہت سارے اسکیمو لوک یسوع اُتے ایمان لے آئے۔

لوک: بیان کرن والی، مشنری، مشنری عورت، موسیٰ، اسکیمو، کُپّا، کولّی

حقوق: بحق سی ای ایف جرمنی محفوظ نے۔