STORIES for CHILDREN by Sister Farida

(www.wol-children.net)

Search in "Platt":

Home -- Platt (Low German) -- Perform a PLAY -- 099 (Safari quiz)

This page in: -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- German -- Greek -- Guarani -- Hebrew? -- Hindi -- Indonesian -- Italian -- Korean -- Kyrgyz -- Malayalam? -- PLATT (LOW GERMAN) -- Portuguese -- Quechua? -- Romanian -- Russian -- Serbian -- Slovene -- Spanish-AM -- Spanish-ES -- Tamil -- Turkish -- Urdu? -- Uzbek

Previous Piece -- Next Piece

DRAMAS -- perform them for other children!
Plays for children to perform

99. Rozeljacht


Wie gonen opp eene Jacht, kjemst du met?

Junj: "Wie reisen derch de Bibel un siekjen beriemde Tieren."

Mäadche: "Maunche sent werkjliche Wundatiere."

Du kjanst bestemt uk maunche. Wan du west, kaust du mie schriewen, woo dee heeten.

De Reis jeit ieschtmol no Ägypten. Heet brent de Sonn vom Himmel. 400 Joa lang wieren de Israelieten hia aus Sklowen. See schräajen no Gott om Radunk. Gott hied äa roopen, oba Pfarao wull iend nich utwaundren loten.

Toom iend strofen, leet Gott Tiere komen, waut daut gaunze Launt bedakjten un sogoa bat in de Hiesa un Baden kaumen. Waut fa Tieren wieren daut?

No väl Kilomeetasch wia een Fluss to seenen. Hia saut ver lanje Tiet Elia, een Profeet fa Gott. Väajel brochten am daut Freeschtikj un Owentkost.

Waut fa eene Voageloat brocht am äwa Loftpost Broot un Fesch?

Nu mott ekj krajt aun Bileam denkjen. Dee jinj sienen Wajch one Gott. Dan straucheld sien Tia opp waut hee rieden deed un deed dan räden aus een Mensch met am. Wäa kun daut jewäsen senen?

Dän Boajch Ararat kjanst du bestemt. Doa kaum de Arche Noah to stonen aus dee groote Äwaschwamunk vebie wia. Waut fa een Voagel brocht Noah derch eenen jreenen Aust im Schnowel dee goode Norecht, daut det Wota opp de Ieed vetroken wia?

Onse Jacht jeit wieda no Babylon. Daniel wort doahan veschlapt.

Mäadche: "Dee es mien Väabilt. Jieden Dach haft hee dreemol jebät."

Un doawäajens sull hee Tiafooda woaren.

Waut fa wille Tieren haud Gott de Frät tojehoolen, doamet see Daniel nich fräten sullen?

Weetst du, waut fa een Tia de Bibel lestijch nanen deit? De Schlanj. See haft däm Diewel jebrukt, om dee ieschte Menschen toom Onjehursam jäajen Gott to veleiden.

Junj: "Wan daut nich pesieet wia, dan wudden aule Menschen gaunz bie Gott senen."

Oba nu es daut soo, daut een jiedra von Natua ut von am jetrant es. Jesus deit ons doawäajens met Tiere vejlikjen, dee kjeene Rechtung haben un sich leicht veerren. (Vebiestren) Woo heeten dise Tieren?

Jesus es dee gooda Hoad, hee roopt de Menschen biem Nomen, wiels hee dee goot es.

Hast du wieens vea Tieren erkjant? Ekj frei mie, wan du mie äaren Nomen schrifst.

(Leesung: Frosch, (Zapo) Kreuj, Äsel, Duw, Leiw, Schop.)


Persoonen: Eena waut vetalen deit, Junj, Mäadche

Copyrght: CEF Germany

www.WoL-Children.net

Page last modified on April 29, 2020, at 10:45 AM | powered by PmWiki (pmwiki-2.2.109)