Home -- Punjabi -- Perform a PLAY -- 099 (Safari quiz)
!ڈرامے- ایناں نُوں اپنے بیلیاں لئی ادا کرو
بچیاں دے ادا کرن لئی ڈرامے
99. جانوروں دے بارےسوالاں دا مقابلہ
اسی جانوراں بارے وچ جانن لگے آں، کیہ تُسی ساڈے نال آو گے؟
مُنڈا: ”اسی سیر تے جاواں گے تے بائبل وچوں مشہور جانوراں دے بارے وچ جاناں گے۔“
کُڑی: ”اوہناں وچوں کجھ تے واقعی سوہنے نے۔“
اوہناں وچوں کجھ نوں تُسی ضرور جاندے ہوو گے۔ جے تُسی چاہو تے تُسی مینوں اوہناں جانوراں دے ناں لکھ کے گھل سکدے ہو تے دس سکدے او۔
ساریاں نالوں پہلاں اسی مصر جاواں گے۔ سورج اسمان اُتوں بڑی تیز گرمی وساوندا اے۔ ۰۰۴ ورھیاں تیک، اسرائیلی ایتھے غلام سن۔ اوہناں نے خدا دے اگے عرض کیتی پئی اوہ اوہناں نوں بچاوے۔ خدا نے اوہناں دیاں فریاداں سُن لیاں، پر فرعون اوہناں نوں چھڈن لئی راضی نئیں سی ہوندا پیا۔
سزا دے طور اُتے، خدا نے جانوراں نوں مصر وچ وڑن دِتا۔ اوہناں نے سارے علاقے نوں کج لیا سگوں گھراں تے بستریاں وچ وی وڑ گئے۔ اوہ کیہڑے جانور سن؟
بڑے میلاں ٹُرن دے بعد اوہنوں اک دریا دِسیا۔ خدا دا سنیہا لیاون والا، ایلیاہ، ایتھے گھنٹیاں تیک بیٹھا رہیا۔ پنچھی اوہدے لئی شاہ ویلے تے دیگر ویلے دی روٹی لیاوندے سن۔
کس طرح دا پنچھی اوہدے لئی ہوائی ڈاک دے وسیلے روٹی تے گوشت لے کے آوندا سی؟
مینوں بلعام دا خیال آوندا اے۔ اوہنے آپنی زندگی خدا دے بغیر گزاری۔ فیر اوہ جانور جہدے اُتے اوہ بیٹھا سی او بولن لگ پیا تے اوہنے انسانی واج وچ اوہدے نال گل کیتی۔ ایہہ کس طرح دا جانور سی؟
تُسی ضرور اراراط د ے پہاڑ دے بارے وچ جاندے ہوو گے۔ ایس پہاڑ اُتے وڈے ہڑ دے بعد نوح دی کشتی رُک گئی سی۔ کیہڑا پنچھی آپنی چونج وچ ہری ٹہنی لے کے مُڑ نوح دے کول آیا سی، جو ایہہ خوشخبری سی پئی دھرتی اُتوں پانی لَے گیا اے؟
ہن اسی بابل ول چلدے اَں۔ دانی ایل نوں ایتھے اسیر کر کے لیایا گیا سی۔
کُڑی: ”اوہ میرے وانگ اے۔ اوہ دن وچ تین واری دعا کردا سی۔“
تے ایہو سبب سی پئی اوہنوں جانوراں دی خوراک بننا پیا۔
کیہڑے شکار کرن والے جانور دا مُنہ خدا نے بند کر دِتا سی تاں جو اوہ دانی ایل نوں نہ کھا سکے؟
کیہ تُسی جاندے ہو پئی بائبل کس جانور نوں دھوکے باز آکھدی اے؟ سَپ۔ شیطان نے ایہنوں استعمال کیتا تاں جو ایہہ ساریاں نالوں پہلے لوکاں نوں آزمایش وچ پاوے تے اوہ خدا دی نافرمانی کرن۔
مُنڈا: ”جے ایہہ نہ ہویا ہوندا، تے ہر کوئی خدا دے نیڑے ہوندا۔“
پر ایہدے بجائے ساڈے وچوں ہر اک قدرتی طور اُتے خدا تھوں وکھ اے۔ ایسے سبب نال یسوع سانوں جانوراں نال
رلاوندا اے جنہاں نوں آپنی کوئی سمجھ بجھ نئیں تے اوہ اسانی نال بھٹک جاندے نے۔
ایہہ کس طرح دے جانور نے؟
یسوع چنگا ایالی اے۔ اوہ لوکاں نوں ناں لے کے بلاوندا اے کیوں جو اوہ اوہناں نوں پیار کردا اے۔
کیہ تُساں اینہاں وچوں کھٹ توں کھٹ چار جانوراں دے ناں پچھان لئے نے؟ مینوں خوشی ہووے گی جے تُسی مینوں آپنے جواب لکھ کے ای میل کرو۔
(جواب: مینڈک، کاں، کھوتا، کُگی، شیر، بھیڈ)
لوک: بیان کرن والی، مُنڈا، کُڑی
حقوق: بحق سی ای ایف جرمنی محفوظ نے۔