Home -- Sindhi -- Perform a PLAY -- 099 (Safari quiz)
!ڍراما- هنن کي ٻين ٻارن جي سامهون پڻ پيش ڪريو
ٻارن جي سامهون پيش ڪرڻ وارا ڍراما
99. جانورن بابت سوالن جو مقابلو
اسان جانورن بابت ڄاڻڻ وڃي رهيا آهيون، ڇا توهان اسان سان گڏ هلندا؟
ڇوڪرو: ”اسان سير تي وينداسين ۽ بائبل مان مشهور جانورن بابت ڄاڻنداسين۔“
ڇوڪرِي: ”انهن مان ڪجھہ واقعي دلڪش آهن۔“
انهن مان ڪجھہ کي توهان ضرور ڄاڻندا هوندا۔ جيڪڏهن توهان چاهيو تہ توهان مون کي انهن جانورن جا نالا لکي موڪلي سگھو ٿا ۽ ٻڌائي سگھو ٿا۔
سڀ کان پهرين اسان مصر ۾ وينداسين۔ سج آسمان مان تمام تيز گرميءَ سان چمڪي ٿو۔ 004 سالن تائين، اسرائيلي هتي غلام هئا۔ انهن خدا کان دعا ڪئي تہ هو انهن کي بچائي۔ خدا انهن جي فريادن کي ٻڌو، پر فرعون انهن کي ڇڏڻ لاءِ تيار نہ هو۔
سزا طور، خدا جانورن کي مصر ۾ داخل ٿيڻ ڏنو۔ انهن سڄي علائقي کي ڍڪي ڇڏيو، بلڪہ اهي گھرن ۽ بستر ۾ بہ گھڙي ويا۔ اهي ڪهڙا جانور هئا؟
تمام گھڻا ميل هلڻ کانپوءِ هن کي هڪ درياءُ نظر آيو۔ خدا جو پيغام آڻڻ وارو، الياہ، هتي ڪلاڪن تائين ويٺو رهيو۔ پکين هن لاءِ ناشتو ۽ شام جو کاڌو آندو۔ ڪهڙي قسم جو پکي هوائي ميل ذريعي هن لاءِ ماني ۽ گوشت آڻيندو هو؟
مون کي بلعام جو خيال اچي ٿو۔ هن پنهنجي زندگي خدا جي بغير گذاري۔ پوءِ اهو جانور جنهن تي هو سوار هو ان کي زبان ملي وئي ۽ ان انسان جي آواز ۾ هن سان ڳالهہ ڪئي۔ هي ڪهڙي قسم جو جانور هو؟
توهان ضرور اراراط جي جبل بابت ڄاڻندا هوندا۔ هن جبل تي عظيم ٻوڏ کان پوءِ نوح جي ٻيڙي بيهي رهي هئي۔ ڪهڙو پکي پنهنجي چونڀ ۾ سائي ٽاري کڻي نوح وٽ واپس آيو هو، جيڪا اها خوشخبري هئي تہ زمين تان پاڻي لهي چڪو آهي؟
هاڻي اسان بابل ڏانهن هلون ٿا۔ داني ايل کي هتي قيد ڪري آندو ويو هو۔
ڇوڪرِي: ”هو مون وانگر آهي۔ هو ڏينهن ۾ ٽن ڀيرا دعا ڪندو هو۔“
۽ اها ئي ڳالهہ هئي جنهن جي ڪري هن کي جانورن جي خوارڪ ٿيڻو پيو۔
ڪهڙي شڪارِي جانور جي زبان خدا بند ڪري ڇڏي هئي تہ جيئن هو داني ايل کي کائي نہ سگھي؟
ڇا توهان ڄاڻو ٿا تہ بائبل ڪهڙي جانور کي مڪار سڏيندي آهي؟ نانگ۔ شيطان ان کي استعمال ڪيو تہ جيئن هي سڀ کان شروع واران ماڻهن کي آزمائش ۾ ڪِرائي ۽ هو خدا جي نافرماني ڪن۔
ڇوڪرو: ”جيڪڏهن ائين نہ ٿيو هجي ها، تہ هر ڪو خدا جي ويجھو هجي ها۔“
پر ان جي بدران اسان مان هر هڪ قدرتي طور خدا کان جدا آهي۔ ان ڪري يسوع اسان کي اُن جانور سان ڀيٽائي ٿو جنهن کي پنهنجي ڪا بہ سمجھہ نہ آهي ۽ آساني سان ڀٽڪي وڃي ٿو۔
هي ڪهڙي قسم جو جانور آهي؟
يسوع سٺو دراڙ آهي۔ هو ماڻهن کي نالي سان سڏي ٿو ڇو تہ هو انهن سان پيار ڪري ٿو۔
ڇا توهان انهن مان گھٽ ۾ گھٽ چار جانورن جا نالا سڃاڻي ويا آهيو؟ مون کي خوشي ٿيندي جيڪڏهن توهان مون کي پنهنجا جواب لکي خط ذريعي موڪليندا۔
(جواب: ڏيڏر، ڪانءُ، گڏهہ، ڳيرو، شينهن، رڍ)
ماڻهون: بيان ڪرڻ واري، ڇوڪرو، ڇوڪرِي
ynamreG FEC :thgirypoC ©