STORIES for CHILDREN by Sister Farida

(www.wol-children.net)

Search in "Platt":

Home -- Platt (Low German) -- Perform a PLAY -- 098 (Punishments and promises 2)

This page in: -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- German -- Greek -- Guarani -- Hebrew? -- Hindi -- Indonesian -- Italian -- Korean -- Kyrgyz -- Malayalam? -- PLATT (LOW GERMAN) -- Portuguese -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swiss German? -- Tamil -- Turkish -- Urdu? -- Uzbek

Previous Piece -- Next Piece

DRAMAS -- perform them for other children!
Plays for children to perform

98. Stroft un Vespräakjen 2


Fru: "Wanea hieet daut mol entlich opp met räajnen?"

Maun: "Aus Noah vleicht doch rajcht jehaut haft?" (Aun de Arche schlonen)

Aula: "Halp ons! Noah, moak op. Lot ons nen!"

Daut wia to lot. Gott selfst haud de Däa tojeschloten. See hauden nich no am jehorcht, un nu kjrieen see äaren Onjehursam to späaren. Daut es ema soo, bie jiedrem, dee sich jäajen Gott entscheiden deit.

Daut Wota stieech hecha. Daut wort soo, aus Gott jesajcht haud, 40 Doag un Najchte räajend daut grulich sea.

De Menschen worden gaunz vetwiewelt un soo kroopen see opp däm Dack un dan opp de Boaj. Oba uk dee hechsta Boajch wia tolatst fief Meeta unja Wota. Aules waut läwd, es in daut deepe Wota vesopen. Bloos Noah un aul dee waut bie am in de Arche wieren worden jerat.

Daut dieed een gaunzet Joa, bat daut Wota aula enjetroken wia.

Noah: "Weet aus daut Launt aul drieejch woat senen? Ekj woa eene Krauj rutfliejen loten."

Met eene Duw deed hee daut krajt soo. Hee wull weeten, aus de Väajel buten aul waut finjen wudden, wua see sich Tus moaken kunnen. Oba de funjen nuscht, un kaumen wada trij no de Arche. Eene Wäakj vejinj.

Noah: "Ekj lot vendoag wada eene Duw rutfliejen."

(Fensta oppmoaken. Aus wan waut rut fliejen deit)

Fru von Noah: "Kjijt, see brinjt eenen jreenen Aust im Schnowel."

Noah: "Lanj kaun daut nich mea dieren."

Aus Noah de Duw toom dredden mol fliejen leet, kaum see nich mea trij.

Aus daut nie Joa aunfonk, wia daut Wota enjetroken un de Ieed wia wada drieech.

Gott säd: "Noah, go met diene Famielje ut de Arche. Uk de Väajel un de Launttiere sellen de Arche veloten. Doot junt vemieren doamet de Ieed voll woat."

Dee waut jerat wieren jinjen aun Launt.

Waut hautst du aus ieschtet jedonen, wan du Noah jewast wieescht?

Hee bud fa Gott eenen Aultoa un brocht am Opfa. Soo deed hee Gott danken wiels hee am jerat haud un schonk am sien Läwen. Daut jefoll Gott.

Gott säd: "Ekj woa niemols mea soo eene Äwaschwamung äwa de Menschen komen loten. Soo lang aus de Ieed steit woat daut Somma un Winta jäwen, Dach un Nacht. Ekj moak eenen Bunt met die. Daut Tiekjen doafäa es de Räajenboagen."

In dee schmokste Foawen wia aum Himmel dee ieschta Räajenboagen to seenen. Bat vendoag halpt dee ons denkjen, daut Gott tru es. Hee hält sien Wuat.

Du kaust die gaunz opp am veloten. Denkj doaraun, wan du wada eenen Räajenboagen seenen kaust.


Persoonen: Eena waut vetalen deit, Twee Mana, Fru, Noah, Fru von Noah, Gott

Copyright, CEF Germany

www.WoL-Children.net

Page last modified on April 29, 2020, at 10:40 AM | powered by PmWiki (pmwiki-2.2.140)