STORIES for CHILDREN by Sister Farida

(www.wol-children.net)

Search in "Quechua":

Home -- Quechua -- Perform a PLAY -- 098 (Punishments and promises 2)

Previous Piece -- Next Piece

DRAMAS -- perform them for other children!
Plays for children to perform

98. Jasut´iy qhepampi suyay 2


Mujer: "¿Mayk’ajkamataj chanta kay jinatapuni kunan chanta paranqarí?"

Hombre: "Cheqallatasina Noé parlaqa paramantaqa." (golpear el arca)

Todos: "¡Khuyariwayku arí! ¡Noé… kichariwayku! ¡saqewayku yaykojta qanwan khuska!"

Chaypajqa manaña atikorqachu, Diospuni punkuta wisq’aykusqa nipi kicharinampa. Chay runakunaqa mana uyarisqankuchu, nitaj kasusqankuchu imatachus nisqasnitaqa, kunantaj mana uyarikoj kasqankumanta ñak’arinallanku karqa. Ajinapupi pillapis mana Diospa nisqasnita kasuspa munayninman jina purejpajqa.

Yakuqa astawanña askhayasqas, imatachus Dios nisqanqa junt’akusqapuni. Tawa chunka p’unchayta, tawa chunka tutatawan paraqa p’uñumanta jina jich’akusqa, runakunata ima mana ruway atispa wasi patasman llojsisqanku, chantaqa jatuchej lomasman ima.

Jipunitaj nimaypi yakumanta ayqeyta atisqankuchu, imaraykuchus yakoqa chay jatuchichej lomasmantapis phisqa metrosta jinapuni p’ampaykusqa. Tukuy kawsajkuna chhika chay jina yakupi p’ultisqa wañusqanku. Noéwan arcapi paywan kajkunalla salvakusqanku.

Tukuy jallp’antimpi yakoqa uj watapipuni waywasqa.

Noé: "¿Ñachu jallp’a ch’akiña kashanman? Kay p’isqota kacharisaj."

Uj p’isqota, uj palomallatawan kacharimusqa, Noé yachayta munaspa jallp’a ch’akiñachus manachus kasqanta yachanampajqa. Chay phawajkuna jallp’ata tiyaykunankupaj tarinanku karqa. Jainapis mana jallp’ata tiyaykunankupaj tarisqankuchu, chayrayku arcaman kutillasqankutaj, chaymanta uj semanatawan suyasqa Noéqa.

Noé: "Kunan kacharillasajtaj ujtawan palomanta."

(ruido de abrir una ventana y de aleteo)

Señora Noé: "Qhawaychej, uj q’omiy laqheta achumushan palomaqa."

Noé: "Manaña unaywanchu kanqa."

Noé kinsakutipi palomata kacharisqanpeqa, palomaqa manaña kutisqachu arcamanqa. Wata qallariyta jina yakuqa wayqasqaña chayrayku jallp’aqa ch’akiña kasqa.

Dios: "Noé, arcamanta llojsiy tukuy aylluykiwan khusqa. Tukuy qanwan khuska yaykoj uywakunapis llojsillachunkutaj, miraychej jallp’amanta junt’aychej."

Tukuy para juiciomanta salvakojkunaqa arcamanta llojsisqanku. ¿Sichus qan Noé kawaj karqa chay, imatarajtaj ñawpajta ruwawaj karqarí?

Noéqa uj altarta Diosman sacrificiota jaywanampaj ruwasqa. Ajinata agradecesqa salvaciónninmanta kawsaytataj qosqanmanta Diostatamanqa. Chaytaj sumaj kasqa Diospajqa.

Dios: "Ni jayk’aj ujtawan ajina paraqa runakunata chinkachinampaj kanqañachu, kay jallp’a kanankama kanqapuni ch’aki mit’a, taray mit’apis, p’unchaypis chanta tutapis. Uj pactota qanwan ruwani, chaymanta señaltaj kurmi kanqa."

Chaypacha manchay k’acha coloresmanta uj kurmi jallp’amanta cielokama sayaykusqa. Chaytaj kunankama kurmiqa yuyarichiwanchej Diosqa nisqanta junt’aj kasqanta. Tukuy sonqo tukuy imapis Diospi confiakuyta atinki, chayta yuyarikuypuni sapa kuti kurmita rikuspaqa.


Personajes: Relator, dos hombres, mujer, Noé, señora Noé, Dios

© Copyright: CEF Germany

www.WoL-Children.net

Page last modified on April 21, 2021, at 02:39 PM | powered by PmWiki (pmwiki-2.2.140)