STORIES for CHILDREN by Sister Farida

(www.wol-children.net)

Search in "Platt":

Home -- Platt (Low German) -- Perform a PLAY -- 066 (He’s finally here)

This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- PLATT (LOW GERMAN) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish? -- Swiss German? -- Tamil -- Turkish -- Ukrainian -- Urdu -- Uzbek

Previous Piece -- Next Piece

DRAMASTEKJA – doo aundre Kjinja daut väaspälen!
Dramastekja fa Kjinja toom väadroagen

66. Entlich jefunjen


Sven: "Wanea kjemt dee dan mol endlich?"

Sven kaun daut meist nich aufluaren. Ema wada rant hee nom Fensta.

Sven: "Mama, wanea kjemt Papa nohus?"

Mama: "Daut kaun nich mea lanj dieren. Vendoag well hee von siene Deenstreis trij komen. Hopentlich sent de Gause nich von de Autos tojestoppt."

Sven: "Hee brinjt mie een nieet Computaspell met. Wan hee doch nu kaum."

Wan hee doch kaum! Krajt soo dochten ver langer Tiet väl Menschen in Israel. See wachten un hopten, daut hee boolt komen sull, dee vesproakna Rada von Gott. Andreas kun daut meist nich aufluaren. Hee freid sich opp däm, de Radung un Fräd metbrinjen wull. Aum leefsten wia hee met Johanes toop. Dee deed ema von am räden un haud däm uk aul jeseenen!

Dan kaum dee scheensta Dach in Andreas sien Läwen.

Hee stunt krajt bie Johanes aum Jordan, aus dee oppemol roopen deed:

Joahanes: "Kjijt, doa kjemt hee: Jesus! Dee vesproakna Rada."

Andreas kjijd no de Rechtung, von wua Jesus kaum.

Andreas: "Doa es hee! Entlich es hee doa."

Andreas well Jesus kjanen lieren. Met eenem Frint rant hee am hinjaraun. Jesus weet gaunz krajt wäa am siekjen deit, un kjanenlieren well. Hee dreid sich om un fruach:

Jesus: "Wäm siekj jie? Waut well jie?"

Andreas: "Woo wonst du?"

Jesus: "Komt met, dan woa jie daut seenen."

Met groota Freid un Hoatkloppen jinjen see met Jesus met. See sagen dan, woo hee wonen deed un bleewen däm gaunzen Dach äwa bie am.

Bie Jesus senen, daut es daut jratste Jlekj. Kjanst du dit Jlekj? Andreas dee deed fa Freid meist twäplautzen. Daut wundaboare, waut hee beläft haud, musst hee onbedinjt wieda sajen.

Wiedasajen, daut es daut rajchte! Wäm kunst du vendoag waut von Jesus wiedasajen?

Andreas deed daut ieschte sienem Brooda daut sajen.

Andreas: "Simeon, wie haben am jefunjen! Jesus es doa. Kom met, du motst am onbedinjt kjanen lieren!"

Dise Freid läd sich dan uk opp Simon nopp. Hee jleewd sienen Brooda un jinj met am met. Un daut wia soo, aus wan Jesus aul opp am jeluat haud. Hee kjand sogoa sienen Nomen.

Jesus: "Du best Simon. Von nu aun saust du Petrus heeten."

Een nia Nomen. Daut meent, Jesus woat eenen nieen Mensch ut am moaken.

Jesus finjen un met am gonen, daut deit veändren.

Mie moakt daut Moot, wiels hee deit uk mie veändren.


Persoonen: Eena waut vetalen deit, Johanes, Andreas, Jesus, Sven, Mama

Copyright: CEF Germany

www.WoL-Children.net

Page last modified on August 08, 2023, at 07:47 AM | powered by PmWiki (pmwiki-2.3.3)