STORIES for CHILDREN by Sister Farida

(www.wol-children.net)

Search in "Platt":

Home -- Platt (Low German) -- Perform a PLAY -- 059 (Tears on Christmas 1)

This page in: -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- German -- Greek -- Guarani -- Hebrew? -- Hindi -- Indonesian -- Italian -- Korean -- Kyrgyz -- Malayalam? -- PLATT (LOW GERMAN) -- Portuguese -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swiss German? -- Tamil -- Turkish -- Urdu? -- Uzbek

Previous Piece -- Next Piece

DRAMAS -- perform them for other children!
Plays for children to perform

59. Tronen aune Wienachten 1


Im Schielaheim von eene christliche School wieren aula oppjebrocht wiels see vendoag nohus jeholt sullen woaren. Turea freid sich opp de Wienachtsferien. Äa Voda deed ar aufholen. De Wajch bat Tus wia lang. In Turea äa Kopp wieren väl Jedanken.

Turea: "Pape, woat Rachede mie wada erkjanen? Woo jeitet Hassan?"

Turea freid sich opp de Jeschwista, opp de Kaut un uk opp de Kosen.

Aus see bat däm Darp kaumen, dachten de Tauljlichta derch daut Fensta. Buten fluagen de Lichtkjniepasch. Un Mäadches, dee krajt biem Borm Wota holden, roopten:

Mäadches: "Halo, Turea! Scheen daut du wada doa best. Woo jeitet die. Woascht du ons von diene School vetalen?"

Turea: "Jo, oba iescht morjen. Daut es aul lot. Komt mie doch besiekjen."

De Mame haud to de Bejreesung Turea äa leefstet Äten jekoakt. Daut gauf väl to vetalen. Uk wan Turea lang wajch jewast wia, gauf daut kjeenen Unjascheet teschen iend. Un doch gauf daut eenen! Daut foll ar bie, aus see opp äare Matrauz lach.

Daut wia Wienachten. Kjeena im Darp wudd een Fast fieren. Turea wia dee eenzje, waut Jesus leewd. See wull fieren, oba see wisst nich woo see daut sul.

Turea: "Ekj hab eene Idee. Morjen sto ekj gaunz tiedich opp, un läs miene Bibel."

Soo deed see daut dan uk. See schlijd sich ut däm Hus un klaudat opp eenen kjlienen Boajch nopp. Gaunz auleen saut see dooa un laus von Maria un Josef un däm Jesuskjint.

Turea: "Jesus kaum, oba sien iejnet Volkj naum am nich opp. Har Jesus, donemol wieren in Betlehem fa die de Däaren veschloten un vendoag sent de Hoaten veschloten."

Aus Turea 10 Joa wia, haud see Jesus in äa Läwen oppjenomen un am äa Vetruen jeschenkjt.

Hassan: "Turea, ekj hab die jesocht. Waut deist du läsen?"

Wudd de Brooda ar veroden, wan see am eene Jeschicht ut de Bibel vetalen wudd? Daut kunn schlem fa ar utfaulen. Oba see deed daut. Aus aulawäajend in de Welt de Wienachtsglocken kjlinjaden, hied een kjliena Jung toom ieschten mol de Jeschicht von Jesus in de Kjrebb.

Rechtich scheen haud de Wienachtsdach aunjefonjen, oba Zeowens gauf daut Tronen. Wuarom? Daut vetalt die daut näachste Spell toom horchen.


Persoonen: Eena waut vetalen deit, Mäadche, Turea, Hassan

Copyrigt: CEF Germany

www.WoL-Children.net

Page last modified on May 27, 2020, at 10:18 AM | powered by PmWiki (pmwiki-2.2.140)