Home -- Aymara -- Perform a PLAY -- 059 (Tears on Christmas 1)
59. Navidadan jachatapa 1
Cristiän escuelan internadopanjja takenis mistuñatakejj puestöpjjänwa. Turea jupajja c’uchisitawa navidad vacaciön suyt’ascänjja. Tatapawa jutatayna irpañataquejja. Utapajja jayancänwa. Walja amuyunacawa Turea jupan chuymapan utjäna.
Turea: “Papi, ¿Rachede jilajjajja uñt’asquitaniti? ¿Hassan jupajja cunjamäsquisa?”
Tureajj c’uchisïnwa jilanacapar uñjañatakejja, phisiru uqhamarac cabranacarusa.
Cunapachatejj utapar purjjänjja, ventanat mä vela akquiriw uñjasïna. Ankanjj luciérnaganacawa tuyunakascäna. Mä imill wawanacawa, qhitinacatejj um apsur phuch’ur sarapcänjja, artápjjataynawa:
Niñas: “Hola, Turea, ¡Wañiquiw wastat acankhatamajja! ¿Cunjamäsctasa? ¿Mä jucsa escuelamatjja cuentapjjetasmati?”
Turea: “Jisa. Janiw añchhitajja, kharuru. Arumäjjewa. Visitt’apjjetay.”
Mamapajja mä suma manka waquichatayna Turear catokañataquejja. Waljanacaw cuentañataqui utjäna. Tureaj jayas jan ucanchïnsa, take cunas pachpaquïscänwa jupanacampejja. Jïsa, mayaquïpjjanwa. Tureaj iquiñancasina amtänwa.
Navidadänwa. Janiw qhitis fiestachapcaniti. Tureaquiwa Tatit Jesusarojj munänjja. Navidad fiesta lurañ munana ucampisa janiw cunjam lurañs yatcänti.
Turea: “Mä amuyuw utjitu. Kharurojj alwat sartasï ucatsti Biblia leyejja.”
Khepurojj uc luri. Jamasata utat mistuwayi ucat kolluruw maqhati. Sapitaquiwa kont’ata Maria, Joseat uqhamarac Jesús wawat leyescäna. Ucat mä arunacaruw puritayna.
Turea: “’Jesusajj jutataynawa, ucampisa marcapajja janie catokcataynati’. Tati Jesús, ucapachajja Belén marcan puncunacajja jist’antatänwa, ucampis jichhajja chuymanacawa jumatakejj jist’antatäsqui.”
Tunca maranïcän ucjaw Tureajj Jesusarojj chuymaparojj catokjjatayna uqhamaraqui jacañapsa jupar confïjjatayna.
Hassan: “Turea, thakascayäsmawa. ¿Cuns ullascta?”
¿Jilapajj aviscataspati jupar cuentaspa cuntï bibliajj jisqui ucjja? Ucajj jan walinacwa apanispa. Ucampisa cuentiwa. Mundo enteronjja Navidad campananacawa tocascana uca pachasti, mä jiska wawawa Jesusat mä uyuncana uca historia ist’i.
Navidad urojja jiwaquiw kallti, ucampisa arumajja jachañaw utji. ¿Cunata?
Jutirina yatiyäma.
Uñstirinaca: Parliri, Imill wawa (niña), Turea, Hassan
© Copyright: CEF Germany