STORIES for CHILDREN by Sister Farida

(www.wol-children.net)

Search in "Platt":

Home -- Platt (Low German) -- Perform a PLAY -- 051 (Two gifts)

This page in: -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- German -- Greek -- Guarani -- Hebrew? -- Hindi -- Indonesian -- Italian -- Korean -- Kyrgyz -- Malayalam? -- PLATT (LOW GERMAN) -- Portuguese -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swiss German? -- Tamil -- Turkish -- Urdu? -- Uzbek

Previous Piece -- Next Piece

DRAMAS -- perform them for other children!
Plays for children to perform

51. Twee Jeschenkja


1. Frint: "Weetst du, woo daut onsem Frint jeit?"

2. Frint: "Schlajcht."

1. Frint: "Daut mott doch sea schwoa senen, wan maun Dach un Nacht lijen mott un sich nich bewäajen kaun."

2. Frint: "Mie deit daut soo sea leet om am."

1. Frint: "Wie sullen am no Jesus brinjen. Hee es in Kapernaum. Hee kaun am jesunt moaken."

Daut wieren werkjilje Frind. See leeten äaren jelämden Frint nich auleen. Opp eene Madrauz druagen see am no Jesus. Leida wieren see een bät lot. Daut Hus, woo Jesus prädjen deed, wia aul voll von Menschen. Bat ver de Däa stunden see doa aula dicht toop. Daut wia bloos onmäalich, doa derch to komen. Een jiedra wull Jesus hieren. Wiels kjeena vetald soo scheen von Gott aus hee.

2. Frint: "Ekj hab eene Idee. Kjenn jie de Trap seenen, dee doa opp däm Dak nopp jeit?"

1. Frint: "Ekj kaun mie nu aul denkjen, waut du wellst. Loos, aune Oabeit!"

Äwa dee butaschichte Trap druagen see äaren Frint gaunz väasechtich opp daut flake Dak nopp. Dan deeden see een Loch growen in däm Leembän un leeten däm Kranken opp siene Madrauz rauf soo daut hee krajt ver Jesus siene Feet to lijen kaum. Wudd hee am halpen? Jesus kjijd nopp un sach waut fa een grootet Vetruen de Frind hauden, un doawäajens säd hee:

Jesus: "Diene Sinden sent die vezeit."

Jesus deed am Vejäwung tospräakjen. Met sowaut haud kjeena jeräakjnet. Eenschi dochten: Woo kaun disa Vejäwung tospräakjen? Vejäwen kaun bloos Gott.

Hauden see daut aula noch ema nich bejräpen, daut Jesus Gott es un Schult vezeien kaun?

Jesus wisst waut see denkjen deeden.

Jesus: "Waut denkj jie in junem Hoaten? Waut es leichta to sajen: Die sent diene Sinden vejäft ooda: Sto opp! Nem diene Madrauz un go? Jie woaren daut fuatz seenen daut ekj beides kaun."

Dan säd Jesus to däm Kranken:

Jesus: "Ekj saj die: Sto opp! Nem diene Madrauz un go nohus."

Aules wia stell. De Jelämda bewäajd sich! Hee stunt opp, rolld siene Madrauz toop un kun gonen.

Jesus schenkjt Heelung. Aula lowden Gott doafäa. Gaunz vewundat säden see:

Volkj: "Soo waut hab wie noch niemols jeseenen!"

Eena jinj rikj beschenkjt nohus. Woo heeten dee beid Jeschenkja, dee de Maun von Jesus kjrieech? Schriew ons dee, wie woaren die auntwuaden.

Un doo daut niemols vejäten: Jesus well die beschenkjen!


Persoonen: Eena waut vetalen deit, twee Frind, Jesus, Volkj

Copyright: CEF Germany

www.WoL-Children.net

Page last modified on April 28, 2020, at 03:06 PM | powered by PmWiki (pmwiki-2.2.140)