STORIES for CHILDREN by Sister Farida

(www.wol-children.net)

Search in "Platt":

Home -- Platt (Low German) -- Perform a PLAY -- 024 (Very good)

This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- PLATT (LOW GERMAN) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish? -- Swiss German? -- Tamil -- Turkish -- Ukrainian -- Urdu -- Uzbek

Previous Piece -- Next Piece

DRAMASTEKJA – doo aundre Kjinja daut väaspälen!
Dramastekja fa Kjinja toom väadroagen

24. Sea goot


In dee Klaus wieren aula sea oppjebrocht. De Liera gauf de Räakjenoppgowen trij. Maunche wort daut leichta aus see dee sagen. Wia doch nich soo schlajcht aus see jedocht hauden.

In de Bibel funk ekj eene Noot, von dee väl Kjinja in de School dreemen:

Sea goot!

Weetzt du wua dee steit? Opp de Sied, wua ons vetalt woat, daut Gott aules jemoakt haft. Aules waut hee jemoakt haft, kjricht de Noot "Sea goot".

Ekj mot mie ema wada wundren, woo wundaboa Gott aules jemoakt haft: de straume kjliene Väajelches, de Kaut, däm Hunt. Dee gaunz kjliene Eemzji, däm stoakjen Elefaunt. Dee lostkji Open, aule Fesch un Väajel.

Verhäa haud Gott de Beem un aulet Jreene wausen loten, doamet de Tieren waut to fräten hauden. Uk noch väl Bloomen. Dee kjliene Bloomkjes un de groote Sonnenbloomen, dee straume Rosen un de Veilchen waut soo scheen rikjen. Un jiedrem haft Gott uk fuatz daut Sotich jejäft doamet dee sich vemieren kjennen. De Schepfa haft werklich aun aules jedocht. Daut ieschte muak hee daut Licht, wiels one Licht es kjeen Läwen mäalich.

Aules haft Gott jemoakt. Weetzt du woo hee daut deed?

Derch sien Wuat. Hee säd: Lot Licht schienen, un daut wort dach. Aules waut du seenen kaunst, haft Gott derch sien Wuat jemoakt. Aum Aunfank gauf daut uk nuscht toom wausen, ooda waut sich haud entwekjlen kunnt.

Daut wia nich mo grodsoo jekomen, daut haud nich jeknault, bloos dee aulmachtkja Gott kunn von nuscht waut moaken.

Un dan kaum daut Scheenste.

Gott säd: Wie wellen Menschen moaken: Un dan muak hee no sienem Jedanken eenen Maun un eene Fru.

Aum sasten Dach kjijd Gott aules aun, waut hee jemoakt haud un freid sich doaraun, wiels daut wia sea goot. Hee deed aules Adam un Eva schenkjen.

See hauden daut sea goot bie Gott im Paradies, bat aun eenem Dach waut schrakjlichet pasieed.

Im näachsten Spell toom horchen vetal ekj die dee aulatrurichste Jeschicht.


Persoonen: Eena waut vetalen deit (Stemen von Tieren teschenen nenbrinjen)

Copyright: CEF Germany

www.WoL-Children.net

Page last modified on August 08, 2023, at 07:38 AM | powered by PmWiki (pmwiki-2.3.3)