Home -- Platt (Low German) -- Perform a PLAY -- 014 (A slap for the King)
14. Een Kjennich kjricht eent aune Uaren
Ver lanja lanja Tiet deeden de Wikinjer, (daut es een Nomen von eenem Volkj) Enjlaunt äwafaulen. Daut wieren soone waut opp Scheps wieren, un aula hauden Angst fa iend. See deeden stälen, dootmoaken un deeden uk Hiesa un Kjoakje aunstekjen.
Von aunfank haud de Kjennich Alfred noch Siech, doch dann wort hee trjjeschloagen. De Fiend deeden am vefoljen. Hee musst sien Schloss veloten un utkläwen.
Hee haud sich aus een Pracha aunjetroken, un vestoppt sich im Woolt. Een Kjennich, däm kjeena kjand! Bloos een poa Menschen leet hee weeten, wäa hee wia. Eena von dän, wia de Hoad Ulfric. Niemols wudd hee sienen Kjennich verroden. Hee naum däm en siene kjlienet Hus opp, oba siene Fru wisst nich, wäa de Gaust wia. See wundat sich, daut de Framda mieschtens aum Desch setten deed, un nodenkjen. See erkjand daut nich, daut dit een Kjennich wia.
Eeenen Dach schul see rom:
Fru: "Dit riekjt mie nu to. Däm gaunzen Dach äwa setzt du ful rom. Du kaust goot no mienem Kuak opppaussen, daut dee nich vebrennt. Ej go nom Borm un hol Wota."
One waut to sajen jinj Kjennich Alfred nom Owen. Siene Jedanken jinjen wada no de Fiend. Vleicht jeft daut doch noch eenen Wajch daut wie siechen woaren...
Un doamet kjrieech hee uk aul eent aun de Uaren. Un hee haud krajt soo scheen vom Siech jedreemt, oba nu docht am daut wada, daut hee hia aum Owen stunt. De Fru wia trij, de Kuak schwoat, un daut stunk bloos sea.
Fru: "Du fula Mensch. Veschwinj hia!"
Un dann kaum krajt de Maun nen.
Maun: "Fru, rätzt du soo met dienem Kjennich? Kaust du däm nich erkjanen?"
Waut dann passied weet wie nich.
Dis Kjennich, däm kjeena kjanen deed, moakt mie denkjen aun däm Harn Jesus. Haft am daut nich noch schlema jegonen? Aus hee ver 2000 Joa in Betlehem in eene Kjrebb lach, dann haben am mo weinijch jekjant. Un lota wullen see Gott sienen Sän noch ema nich. See deeden am veachten un rutsteeten un soo musst hee aum Kjriez stoawen.
Un woo es daut vendoag? Jo uk vendoag es hee een Kjennich, däm kjeena kjannt.
Doaf hee en dienem Läwen Kjennich sennen?
Persoonen: Eena waut vetalen deit, Fru, Maun
Copyright: CEF Germany