Home -- Albanian -- Perform a PLAY -- 014 (A slap for the King)
14. Një shuplakë Mbretit
Shumë kohë më parë, vikingët pushtuan Anglinë. Këta marinarë të egër përhapin frikë dhe panik. Ata vodhën, vranë dhe dogjën shtëpi dhe kisha.
Për njëfarë kohe mbreti Alfred fitoi kundër tyre, por më pas u mund. Armiqtë e tij e ndoqën. Ndaj ai duhej të linte kështjellën e tij dhe të ikte.
Ai u maskua si vagabond dhe u fsheh në pyll. Një Mbret i panjohur! Vetëm disa njerëz e dinin se kush ai ishte. Një nga këta njerëz ishte edhe bariu Ulfric. I cili kurrë nuk do ta tradhëtonte Mbretin e tij. E ftoi në vilën e tij, por as gruaja e tij nuk e dinte se kush ishte mysafiri i tyre. Ajo u befasua që i ftuari i tyre u ul në tryezë, i zhytur në mendime. Dhe nuk i la përshtypjen e një Mbreti.
Një ditë ajo e qortoi atë:
Gruaja: "Mjaft kam duruar! Gjithë ditën rri ulur dhe nuk bën asgjë. Shikoje kekun të mos digjet. Se po shkoj te pusi për të mbushur ujë."
Mbreti Alfred shkoi i heshtur drejt sobës. Ai mendonte për armiqtë e tij. Ndoshta ka një mënyrë tjetër për të fituar…
Një shuplakë në fytyrë e zgjoi nga ëndrrat e veta. Gruaja ishte kthyer, keku ishte djegur dhe vinte një erë e tmerrshme.
Gruaja: "Dembel njeri! Ik që këtu!"
Në atë moment burri i saj u fut në guzhinë.
Burri: "Moj grua, si guxon ti flasësh Mbretit në atë mënyrë? A nuk e njohe vallë?"
Se çfarë ndodhi më pas, nuk do t’a dimë kurrë.
Por kjo histori e Mbretit të panjohur më kujton Zotin Jezus. Ishte edhe më keq për Të, apo jo? Ndërsa Ai shtrihej në grazhd 2000 vjet më parë, vështirë se dikush e njohu si mbret. Dhe më vonë njerëzit nuk e donin as si Birin e Perëndisë pranë. I dënuar dhe i përbuzur vdiq në kryq.
Po sot? Edhe sot Ai është akoma një Mbret i panjohur.
A do e lejosh Atë të jetë Mbret i jetës tënde?
Folësit: Autori, gruaja, burri
© E drejta e autorit: CEF Gjermani