STORIES for CHILDREN by Sister Farida

(www.wol-children.net)

Search in "Aymara":

Home -- Aymara -- Perform a PLAY -- 014 (A slap for the King)

Previous Piece -- Next Piece

DRAMAS -- perform them for other children!
Plays for children to perform

14. Jan Uñt’at Reyi


Wali nayrajja, wälja maranacajja viquingonacajja Inglaterraruwa mantantapjjatayna. Salvaj lunthatanacjamajja sustonpi ajjsarañampiwa phokantäna. Saqueapjjänwa, jiwayapjjäna, uqhamaraqui utanacsa, iglesianacsa phichcatapjjänwa.

Kalltanjja rey Alfredojja mä kaokha cutijja atipascänwa, ucampisa kheparojja atipjatänjjänwa uqhamaraqui enemigonacapampis arcnakata. Palaciopa jaytanucusajja jaltjjataynawa.

Mä lokher uñt’atawa ist’asitayna ch’umi taypiruwa imantasjjatayna. ¡Mä jan uñtat reyi! Má kaukhanicaruquiwa uñstäna. Ulfric sata awatirejja maynïnwa uca taypenjja. Ulfric jupajja janipiniw cuna pachasa reyiparojja engañcaspänti. Utaparuwa katokatayna, ucampisa warmipas yatcänti qhitis utapancascäna ucjja, Jayapiniwa mesar kont’atajja lup’ic lup’iscäna ucajj mayjaquïtanawa jupataqui, ucampisa janiw reyirojj uñt’cataynati.

Mä urusti pacienciajj janiw ut-jjataynati ucat culirataw jisjjatayna:

Warmi: “Ucjacamaqui. Janiw cunsa lurctati, kont’atajj lup’ic lup’isctajja. Tortacsay uñjam hornon jan naqhantañapataqui, nayajj um apsuriw phuch’ur sarascta.”

Jan cuns sasa rey Alfredojja hornoruwa jac’achasïna. Ucampis amuyunacapajja enemigonracwa lup’iscäna. Inas cunjamatsa atipjañas utjaspa.

Mä t’ajjlliw muspapata mayac sartäyi. Warmejj cut-tanjjataynawa. Tortast chiyar naqhantata uqhamasti naqhantatasti phirpin kapïna.

Warmi: “Jaira… Saram acata…”

Uca ratusti chachapawa cocinaruw mantatayna.

Jake: “Warmi, ¿uqhamti reyimaru parljjayta? ¿Janit uñt’jjta?”

¿Cunas ucsarojja pasi? Cunjamapachas kheparojja, amuyt’am.

Ucampisa nayarojja jan uñt’ata reyijja Jesusatwa amtayitu. ¿Janit juc’ampicänjja jupampejja? Cunapachatejja nïya pä waranka maranaca uca uyuncascäna ucqhajja, mä kaokhaniquiwa unt´jjapjjäna. Cunapachatejj jach’a jakejjänjja, janiraquiquiw Diosan Yokaparjama uñt’jjañ munapcänti. Uñisita uqhamarac alisnucuta cruzan jiwawayi. ¿Jichhastï? Ucapachparaquiwa jichhurunacajja waljanitaquiwa jan uñt’at reyïsqui.

¿Jacäwiman reyïñapjja munasmati?


Uñstirinaca: Parliri, jake, warmi

© Copyright: CEF Germany

www.WoL-Children.net

Page last modified on February 27, 2019, at 07:05 AM | powered by PmWiki (pmwiki-2.2.109)