STORIES for CHILDREN by Sister Farida

(www.wol-children.net)

Search in "Aymara":

Home -- Aymara -- Perform a PLAY -- 015 (The baked Bible)

Previous Piece -- Next Piece

DRAMAS -- perform them for other children!
Plays for children to perform

15. Hornor Biblia imantata


Warmi: “¡Jutapjjewa!, ¡Jutapjjewa!”

Mamajj t’ant’ lurascäna, ucjasti ventanat uñjataynawa jac’achasinquiri cristianonacar arcnakerinacaru.

Uqhamaw aca mundon walja chekanacanjja pasi. Takpach thaksupjjañapa ucjj yatïnwa uqhamaraqui Biblianaca himnarionaca apasjjañapa ninar naqhantayañataqui.

Chachanaca: “¡Jist’aram! ¡Janc’ac jist’aram!” (punk lekt’aña)

¿Camachaspänsa? Ratuquiwa Biblia apjjarutayna utatsti uca suma munata libropa t’ant’a masaruwa q’iruntatayna ucatjja hornoruwa apantatayna. Ucatjja qhathat’asisaw punc jist’aratayna ucatsti cunjams uca jakenacajja roperonaca cajonanaca t’äjj-suwayapjje uc uñjawayi. K’alapinïnwa. Ucampisa janiw cuns jicjjatapcataynäti culiratapiniw sarjjapjjatayna. Uqham culiratasti walpin punc liwcatawayapjjatayna. (Jach’at punc jist’cataña)

Cunapachatejj take cunas t’acjjataynajja, uca warmijja hornopat khathit t’ant’ apsjjatayna ucansti ¡Bibliapajja jan camacht’ata t’ant’a mankhancascataynawa!

Jupan marcapansti Biblianïñajja wali juchänwa.

Ucampisa jupajja jakenacar sipansa Diosaruwa juc’ampi jaysäna uqhamaraqui jamasata leyïna. Uqham Diosan mensajenacap leyisinsti sapürunacawa machak ch’ama uqhamaraqui chuymachäwi jicjjatäna.

(Kochu uchaña)

Tatitun leyipajja chekawa, jakeru ch’amanchiwa.

Tatitun camachipajja ch’amaniwa, jan yäkatarojja ch’iqhi tucuyi.

Tatitun arsutanacapajja chekawa, chuymaruw cusisïyi.

Tatitun camachipasti sinti khanawa, khanampiwa nayrjja phokt’i.

Tatitur ajjsartañajja k’omawa, ucasti wiñayataquiwa.

Tatitun parlatapajja chekacamaquiwa, takpachas chekacamaquiwa.

Asqui koritsa juc’amp muncayawa, misq’it sipansa juc’amp mojjsa.

Servirimasti ucanacaru ist’asquiwa, respet-t’aschejja premiojja jach’awa.

(Salmo 19:8-12)

¿Utaman utjtamti mä Bibliajja? Jan mä estanten polvontasquir jaytamti. Leyim uqhamaraqui cuntejj Diosajj jisctamjja uca tokejja ucat cusisiraquim.

Jan Biblianïstasti ucampis munsta ucqhajja, kellctanita. Inacha Bibliajj jumataquejja wali munat libröjjaraquispa.


Uñstirinaca: Parliri, chachanaca, warmi

© Copyright: CEF Germany

www.WoL-Children.net

Page last modified on February 27, 2019, at 07:06 AM | powered by PmWiki (pmwiki-2.2.109)