STORIES for CHILDREN by Sister Farida

(www.wol-children.net)

Search in "Platt":

Home -- Platt (Low German) -- Perform a PLAY -- 015 (The baked Bible)

This page in: -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- German -- Greek -- Guarani -- Hebrew? -- Hindi -- Indonesian -- Italian -- Korean -- Kyrgyz -- Malayalam? -- PLATT (LOW GERMAN) -- Portuguese -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swiss German? -- Tamil -- Turkish -- Urdu? -- Uzbek

Previous Piece -- Next Piece

DRAMAS -- perform them for other children!
Plays for children to perform

15. Dee jebackte Bibel


Fru: "Dee komen! Dee komen!"

De Fru wia biem Broot backen, un aus see ut däm Fensta kjikjen deit, sach see, daut doa Menschen kaumen, waut de Christen vefoljen deeden. Un dee kaumen ema noda no äa Hus. See wudden aules derchsiekjen, Bible un Jesankbiekja wudden see metnämen un vebrennen.

Mana: "Oppmoaken! Fuatz oppmoaken!" (Daut baulat aun de Däa)

Waut sull see doonen? Schwind naum see de Bibel, un deed dit leefste Buak im Brootdieech enrollen, un stald daut im Owen. See zetad gaunz aus see de Däa oppmoaken deed. Dann kjijd see to, woo de Mana de Schaups un Schufloden oprieten deeden om aules derchtosiekjen.

Een derchenaunda! Oba see funjen nuscht. See schullen lud un troken auf un knaulden de Däa to. (Eene Däa schleit to)

Aus aules ruich jeworden wia, hold de Fru daut jebakte Broot ut däm Owen, un sach, daut de Bibel nuscht passiet wia.

Daut wia in disem Launt veboden, eene Bibel im Hus to haben. Oba see deed Gott mea jehorchen aus de Menschen, un deed daut Wuat heemlich läsen. Daut gauf ar jieda Dach niee Krauft un nieen Moot.

(Een bät stelle Musikj)

Daut Jesatz vom Harn es vollkomen, daut jeft krauft un Läwen.
De Moninjen vom Harn sent goot, see brinjen de Onerfoarne to Ensecht.
Opp de Belierunjen vom Harn kaun maun sich veloten, see brinjen im Hoat Freid.
Waut hee aunordnen deit, kaun maun vestonen, see jäwen eenen kloaren Blekj.
Sien Wuat es one Faulschheit, daut woat ema bistonen bliewen.
Gott siene Jebote sent rechtich, un ema un ema jerajcht.
See sent kjöstlicha aus daut feinste Golt, seeta aus dee basta Honich.
Uk ekj horch opp diene Jebote, Har, wiels wäa dee befoljen deit, dee woat rikj beloont.
(Psalm 19,8-12 DGN)

Hast du Tus eene Bibel? Lot dee nich bloos besteewen im Biekjabrat. Doo doa bennen läsen un frei die doaräwa waut Gott die sajcht.

Un wann du kjeene Bibel hast, oba een muchst haben, dann schriew mie.

Aus de Bibel uk dien leefstet Buak kun sennen?


Persoonen: Eena waut vetalen deit, Maun, Fru

Copyright: CEF Germany

www.WoL-Children.net

Page last modified on April 27, 2020, at 05:27 PM | powered by PmWiki (pmwiki-2.2.140)