Home -- Quechua -- Perform a PLAY -- 015 (The baked Bible)
15. Hornoqalisqamanta bibliata orqonku
Mujer: (gritando) "¡Jamushanku! ¡jamushanku!"
Chay warmiqa t’antapaj masata ñatushaspa, kaymanta jina jawata qhawarispa rikun cristianosta qhatiykachajkuna wasiman qayllaykushasqankutaña.
Chayqa kunankama kallampuni tukuy kay pachantimpi, payqa yacharqa tukuyta mask’aspa bibliasta tarispa apakapunankuta, chanta himnariostapis kanaykunankupaj.
Hombres: (gritando enojado) "¡Kicharimuy! ¡usqayta kichariy punkuta!" (Golpear la puerta)
¿Imatataj ruwanman karqarí? Usqay usqayta may munasqa Biblianta jap’ispa masa chawpiman churaykuspa hornoman churaykurparin. Chaymantaraj punkuta manchay manchharisqa kisharisqa, jinataj chay runakunaqa tukuy ima ukhuta mask’ajta qhawasqa, tukuy cajones kajtapuni bibliata tariyta munaspa mask’asqanku.
Tukuy imata pampaman junt’achisqanku. Nitaj nimatapis tarispa, manchay phiñasqas ripunku. Punkutapis p’akej jinapuni wisq’aykunku. (Golpe de puerta)
Tukuypis allinyajtinñataj, chay warmeqa ¡usqayta hornomanta t’antata orqhospa Biblianta mana imanasqata t’anta chawpimanta orqhospa manchayta kusikun!
Imaraykuchus suyumpeqa mana Bibliata pipis apaykachananchu karqa.
Payrí, Tata Diosta kasusqa runakunata kasunantaqa, pakaysitullapi sapa p’uncha biblianta ñawirikoj. Diospa nisqasninta ñawirispataj sapa p’unchay kallpata, yanapata, sonqochaytapis jap’in.
(Poner música)
Tata Diospa kamachisqasnenqa cheqampuni, sonqotataj kusichin.
Tata Diospa kamachisqanqa ch’uwa, ñawimantaj k’anchayta qon.
Tata Diosta manchachikoyqa mana ch’ichiyoj, wiñaypajtaj sayan.
Paypa nisqasnenqa pachallampuni, cheqataj.
Chayqa sumaj qorimantapis aswan munana; abeja misk’imantapis aswan misk’iraj kashan.
(Salmo 19,8-12)
¿Qampata wasiykipi Bibliayki tiyapusunkichu? Tiyan chayqa, ama chaypi jallp’a atejta saqeychu. Ñawiriy, kusisqataj kawsay Dios imatachus biblianejta nisusqanta yachaspa. Sichus mana Bibliayki tiyapusunki chay, munawajchu tiyapusunanta, qhelqarimuwayku. Chaychus qampajpis Bibliaqa manchay munasqa p’anqa kanman.
Personajes: Relator, hombres, mujer
© Copyright: CEF Germany