Home -- Kazakh -- Perform a PLAY – 165 (The secret place is taken 3)
165. Біреу басып алған құпия жер 3
Рут (қуанып): «Маргарит апке, Робинджер ханым мені сенбі күні келіп, оның егіздерімен серуендеуге шақырды. Болады ма? Өтінемін!»
Маргарит апке: «Өкінішке орай, болмайды. Мен Миллер ханымға сені оның жиенімен ойнауға жіберемін деп, уәде бергенмін».
Рут: «Бірақ мен мұны қаламаймын! Мен оған шыдай алмаймын! Мен өзім қалаған жерге барамын!»
Маргарит апке: «Рут, бөлмеңе бар! Мен болсам, сені өзгерді деп ойладым».
Рут: «Маған бәрібір!» (есікті қатты тарсылдатып жауып тастады)
Бірақ шын мәнінде, оған бәрібір болған жоқ. Ол төсекке құлап, жылап жіберді.
Маргарит апке: «Рут, саған не болды?»
Рут (жылап): «Мен қайтадан дұрыс емес әрекет жасадым! Ізгі Бағушы мені әлі де сүйеді ме? Маргарит апке, айтыңызшы, Ол мені кешіреді ме?»
Маргарит апке: «Әрине, кешіреді, Рут. Егер сен шынымен де өкінсең, күнәңді мойындасаң, Тәңір Исадан кешірім сұрасаң, Ол сені кешіреді!»
Рут дұға етті. Және Маргарит әпкесінен кешірім сұрады. Содан кейін ол таза ар-ұжданмен және ертеңгі күнді қуанышпен күтіп, тыныш ұйықтап қалды.
Рут пен Филип Уилден орманындағы өз құпия жерлеріне бармақ болды.
Олар таңертең ерте жолға шықты.
Олардың қалың шөптің ортасындағы лашығы бұрынғыдай тұрды. Филип ішке кіре бастады, бірақ бірден қайта шығып кетті.
Филип: «Лашықтың ішінде біреу бар! Эй, шық! Бұл біздің лашығымыз!»
Терри: «Маған сендердің түкке тұрғысыз лашықтарың керек емес. Мен өзіме бұдан жүз есе артық лашық тұрғыза аламын!»
Олардың лашығынан тозған көйлек және жыртық шалбар киген, он жасар бала шықты. Оның аты Терри болатын. Филип пен Рут оны бірден ұнатып, олар дос болып кетті. Терри олардың ең жақын досы болды. Олар Терриге дастархан жайып, оны тамақтандырды, ал ол болса оларға Уилден орманының көптеген құпияларын ашты.
Терри маймыл сияқты ептілікпен ағаштарға өрмеледі, ол тіпті ең биік ағаштарға да өрмелеп шыға алды.
Филип: «Күте тұр, Терри! Әрі қарай өрмелеме! Бұл бұтақ өте жіңішке екен!»
(бұтақтың сынғаны естіледі) Бұтақ сынды, және Терри ағаштан жерге құлады. Ол қимылсыз жатып қалды.
Филип: «Рут, ол әлі тірі сияқты. Сен онымен бірге бол, ал мен көмек шақырамын».
Рут Терри үшін қатты уайымдап, дұға етті:
Рут: «Тәңір Иса, мен Сенен өтінемін, Терридің өлуіне жол берме. Ол Сенің қойларыңның бірі болуы үшін, мен оған Сен туралы айтқым келеді».
Ақыры көмек келді. Терри ақырын зембілге жатқызылып, ауруханаға жеткізілді.
Филип: «Рут, қалай ойлайсың, Терри өледі ме?»
Бұл туралы келесі бөлімде білетін боласыңдар.
Рөлдер: Баяндаушы, Рут, Маргарит апке, Филип, Терри
Авторлық құқықтар: CEF Germany