Home -- Kazakh -- Perform a PLAY -- 084 (The mysterious dream 2)
84. Жұмбақты түс 2
Набуходоносор патша ұйықтай алмады. Ол төсекте мазасызданып жатты. Ақырында ол қызметшілердің бірін өзіне шақыруды шешті (қоңырау соғылады).
Қызметші: «Уа, патша! Мәңгі өмір сүріңіз! Мен сізге қалай қызмет ете аламын?»
Патша: «Тез арада менің барлық кеңесшілерім мен көріпкелдерімді шақыр!»
(көптеген адамдардың дауыстары, қадам дыбыстары естіледі, содан кейін кенеттен тыныштық орнайды)
Патша: «Мені қатты мазалайтын түс көрдім. Маған оның мағынасын айтыңдар».
Көріпкелдер: «Ұлы мәртебелі, сіз бізге түсіңізді айтып беріңіз, сонда біз сізге оның мағынасын түсіндіреміз».
Патша: «Ей, жоқ! Сендер маған бұл түсті айтып берулерің керек. Мен сендерге бұйырамын! Түс пен оның мағынасын айтып берсеңдер, сендерді марапаттаймын. Олай болмаса, мен сендерді өлім жазасына кесуді бұйырамын!»
Көріпкелдер: «Ұлы мәртебелі құлдарына түсін айтып берсін, біз оның мағынасын түсіндіреміз».
Патша: «Мұның бәрі бос сөздер. Сендер жай ғана уақытты созып жатырсыңдар».
Көріпкелдер: «Біз түс жоруды білеміз, бірақ сіздің қандай түс көргеніңізді айта алатын адам жер бетінде жоқ. Бұл мүмкін емес!»
Патша ашуланып: «Мен барлықтарыңды өлім жазасына кесуді бұйырамын!»
Бұл оқиға Даниял мен оның достарын таң қалдырды. Бірақ Даниял қорықпады. Мұндай сұмдық үкімнің себебін біліп, ол достарына барды.
Даниял: «Біз сиынуымыз керек. Біздің Құдайымыз бәрін біледі. Ол бізге патшаның құпиялы түсін айтып бере алады».
Оларға тек Құдай ғана көмектесе алатын еді. Және Ол көмектесті. Ол Даниялдың түсінде патшаның түсін көрсетті.
Даниял: «Сен керемет Құдайсың. Рахмет Саған! Сен бәрін білесің және дұғаларымызға жауап бересің».
Даниял өзін патшаға апаруын сұрады.
Патша: «Сен маған шынымен түсімді айтып бере аласың ба?»
Даниял: «Патшаның бұл бұйрығын орындауға адамдардың ешқайсысының күші жетпейді. Бірақ тірі Құдай барлық құпияларды аша алады. Ол сенің түсіңде, болашақта не болатынын айтты. Патша түсінде үлкен және қорқынышты пұтты көрді. Оның басы таза алтыннан жасалған. Бұл сенің патшалығыңның ең ұлы және ең күшті екенін білдіреді. Ал сенен кейін басқа патшалықтар келеді, олар кішірейе береді. Соңында патшалық екіге бөлінеді, сонда Құдай Өзінің мәңгілік патшалығын орнатады. Бұл түс - пайғамбарлық түс!»
Патша: «Сенің Құдайың - Патшалардың Патшасы!»
Бұл түстің жорамалына патша таң қалды. Ол Даниялға көптеген сыйлықтар беріп, оны байытты.
Ал ары қарай не болатынын келесі шығарылымда білетін боламыз.
Рөлдер: Баяндаушы, Набуходоносор, көріпкелдер, Даниял, қызметші
Авторлық құқықтар: CEF Germany