Home -- Armenian -- Perform a PLAY -- 010 (A Christmas quiz)
10. Սուրբծննդյան վիկտորինա
Այսօր սուրբծննդյան խաղ էի խոստացել:
Խոսակից (երեխա). - Հուսով եմ՝ գիտեմ բոլոր պատասխանները:
Ես նո՛ւյնպես հուսով եմ:
Սուրբ Ծնունդը Տեր Հիսուսի ծննդյան միջոցառումն է: Ամեն տարի ամբողջ աշխարհում մարդիկ տոնում են Նրա ծննդյան օրը: Ես նույնպես տոնում եմ և շատ ուրախ եմ, որ աշխարհի Փրկիչը ծնվել է:
Երբ 2000 տարի առաջ Հիսուսը ծնվեց, հրեշտակը գիշերվա կեսին եկավ և ասաց հովիվներին, ովքեր իրենց գառներին էին արածեցնում.
-Մի՛ վախեցեք, ես լավ լուր ունեմ ձեզ համար: Ուրախացե՛ք, Դավթի քաղաքում ձեզ համար Փրկիչ է ծնվել. Նա Մեսիան է՝ Հիսուս Քրիստոսը՝ Տերը: Դուք կգտնեք Նրան կտորով փաթաթված և պառկած մսուրում:
Եվ հանկարծ երկնքում հայտնվեցին բազմաթիվ հրեշտակներ, ովքեր օրհնում էին՝ ասելով.
-Բարձունքներում Աստծուն փառք և երկրի վրա խաղաղություն, մարդկանց մեջ` հաճություն:
Աստված մարդկանց շատ է սիրում, քեզ նույնպես շատ է սիրում:
Հիմա կսկսենք սուրբծննդյան խաղը: Պատրա՞ստ եք: Ես յուրաքանչյուր հարցի համար երկու պատասխան կհնչեցնեմ, որից միայն մեկն է ճիշտ: Քեզ մոտ գրի՛ր ճիշտ պատասխանները: Սկսեցինք:
1. Որտե՞ղ է ծնվել Հիսուսը: Բեթլեհեմո՞ւմ, թե՞ Կահիրեում:
2. Ի՞նչ էր Հիսուսի մոր անունը: Սառա՞, թե՞ Մարիամ:
3. Ի՞նչ աշխատանք էր անում Հովսեփը: Էլեկտրոտեխնի՞կ էր, թե՞ հյուսն:
4. Ո՞ւմ ասացին հրեշտակները, որ աշխարհի Փրկիչն է ծնվել: Հովիվների՞ն, թե՞ Հերովդեսին:
Դու կարող ես քո պատասխանները մեզ ուղարկել էլփոստով, մենք քեզ անպայման կպատասխանենք:
Խոսակից (երեխա). - Հիանալի՛ է, ես այն հենց հիմա կանեմ:
Իմ խորհուրդը քեզ. եթե ունես Աստվածաշունչ, ապա կարդա՛ Ղուկասի Ավետարանի 2-րդ գլուխը, որտեղ կգտնես Հիսուսի ծննդյան պատմությունը, այնտեղից էլ կարող ես գտնել ճիշտ պատասխանները:
Հերոսներ՝ հեղինակ, երեխա:
© Copyright: CEF Germany