STORIES for CHILDREN by Sister Farida(www.wol-children.net) |
|
|
Home عربي |
Home -- Punjabi -- Perform a PLAY -- 105 (The sign on the door 5) This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- Platt (Low German) -- Portuguese -- PUNJABI -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
!ڈرامے- ایناں نُوں اپنے بیلیاں لئی ادا کرو 501. بوُہے تے نشان ۵صبح دے ویلے، چلدی ہوئی گڈی گھر دے بوہے دے اگے آ کے کھلو گئی۔ مُنڈا: ”امی، اوہ آوندے پئے نے۔“ ماں: ”کیہ توں آپنے پنچھیاں دا پنجرا چُک لویں گا؟“ مُنڈا: ”واہ بھائی، کیہ تُسی سُندے پئے ہو۔ اسی لوک جارہئے اَں (پنچھیاں دے بولن دی واج)! کیہ تُسی خوش او؟ میَں تے پہلاں ای بڑا خوش اَں۔“ پر اجے وڈیاں دی پریشانی نئیں سی مُکی۔ مُڑ جانا کیہو جیہا لگدا ہووے گا، جدوں بس کسے اک خاندان نوں نئیں سگوں پوری قوم نوں ای مُڑ کے جانا ہووے۔ اوہ بڑے چِر تھوں مصر نوں چھڈنا چاہندے سن تے اوتھوں دی غلامی وچوں باہر نکلنا چاہندے سن۔ پر فرعون اوہناں نوں جان نئیں دیندا سی۔ اوہنے اوہناں نوں روک کے رکھیا۔ اوہناں نوں بڑی محنت والا کم کرنا پیندا سی۔ اوہ دن رات خدا نوں پکاردے جدوں اوہناں نوں اوہدی لوڑ ہوندی سی۔ خدا نے بڑیاں کرامات کیتیاں، پر فرعون دا دل سخت ای رہیا۔ خدا نے موسیٰ لئی آپنا کم فیر تھوں کیتا۔ خدا: ”موسیٰ، فرعون دے کول جا۔ اج رات میَں مصر دی دھرتی وچ آواں گا۔ تے ہر خاندان دا پہلوٹھا پُتر مر جاوے گا۔“ شام دے ویلے، اک اسرائیلی بچے نے آپنے پیو نوں اک بھیڈو کوہندیاں ویکھیا۔ یشوع: ”ابو، بھیڈو نوں کیوں مرنا پیا؟“ پیو: ”یشوع، تاں جو توں جیوندا رہ سکیں۔ خدا ایہہ چاہندا اے۔“ پیو نے بھیڈو دا کجھ خون لیا تے آپنے گھر دی چوگاٹھ اُتے مَل دِتا۔ سجے، کھبے تے اُتلے حِصّے اُتے۔ پیو: ”خون اک نشان اے، خدا اج رات ساڈے گھر وچوں لنگے گا، تے جدوں اوہ خون نوں ویکھے گا تے ساڈی راکھی کرے گا۔“ یشوع: ”مینوں بھیڈو لئی دُکھ ہوندا پیا اے، پر ایس تھوں میری جان بچ جاوے گی۔“ ہر اسرائیلی خاندان نے بھیڈو دا خون آپنے گھراں دی چوگاٹھ اُتے لا لیا۔ پیو: ”یشوع، ہن اندر آ جا، ہنیرا ہو گیا اے۔ کپڑے پا لے اساں تیار ہونا اے۔“ اُوہناں نے کھلو کے کھانا کھادا۔ رات ویلے، اوہناں نے زور نال رون دیاں واجاں سُنیاں۔ ہر مصری خاندان وچ پہلوٹھا پُتر مر گیا۔ فرعون: ”مصر نوں چھڈ دیو جِنا چھیتی تُسی چھڈ سکدے او۔ آپنی ہر شے نوں لے جاﺅ جیہڑی تہاڈے نال تعلق رکھدی اے۔ جاو ہن!“ اوس رات دس لکھ تھوں بہتے بندے، بیبیاں تے بچے تیار سن تے اوہ مصر نوں چھڈ کے چلے گئے۔ یشوع دی جان بچ گئی۔ اوہدا پیو اوہدا ہتھ پھڑ کے اوہنوں لے گیا۔ بوہے اُتے لگے نشان نے اوہناں دی راکھی کیتی تے اوہناں دیاں زندگیاں نوں بچا لیا۔ خدا راکھی کرنا چاہندا اے۔ اوہ جیوندا رکھنا چاہندا اے نہ پئی مارنا چاہندا اے۔ خداوند یسوع مسیح نوں زخمی حالت وچ صلیب اُتے چاھڑ دِتا گیا، تے فیر اوہنے آپنی جان دے دِتی۔ اوہدا خون نشان سی پئی خدا سانوں ابدی ہلاکت تھوں بچانا چاہندا اے۔ ایس لئی یسوع نے آکھیا: ”جیہڑا کوئی میرے اُتے ایمان لیاوندا اے اوہ بچ جاوے گا، بھاویں اوہ مر وی جاوے“ (یوحنا ۱۱: ۵۲)۔ لوک: بیان کرن والی، مُنڈا، ماں، خُدا، یشوع، پیو، فرعون حقوق: بحق سی ای ایف جرمنی محفوظ نے۔ |