STORIES for CHILDREN by Sister Farida(www.wol-children.net) |
|
|
Home عربي |
Home -- Platt (Low German) -- Perform a PLAY -- 105 (The sign on the door 5) This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- PLATT (LOW GERMAN) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
DRAMASTEKJA – doo aundre Kjinja daut väaspälen!
Dramastekja fa Kjinja toom väadroagen
105. Daut Tiekjen aun de Däa 5Zemorjens kaum daut Auto toom daut Meebel opploden. Junj: "Mama, dee komen." Mama: "Nemst du dienen Voagelkausten?" Junj: "Hansi, hast du jehieet, wie trakjen om. (Väajel zwitschri) Freist du die? Ekj sie aul gaunz oppjeräacht." In de Groote wieren sea drock. Woo mot daut jewast senen, aus ver väl Joaren nich bloos eene Famielje, oba een gaunzet Volkj omtrakjen deed? Aul lanj wullen see omtrakjen un rut ut däm Sklowenhus Ägypten. Oba de Farao leet an nich wajchtrakjen. Hee deed iend bemotten, daut see doa bliewen mussten. See mussten sea hoat oabeiden. Dach in Nacht schräejen see in äare Not to Gott. Gott deed väl Wunda, oba de Farao bleef hoat. Gott deed sienen Oppdrach aun Mose noch eenmol wadahollen. Gott: "Mose, go nom Farao. En dise Nacht woa ekj derch Ägypten gonen in en jieda Famielje däm älsten Sän stoawen loten." Zeowens kjijd een Israelitischa Jung to, woo sien Papa een Schop schlachten deed. Joschia: "Papa, wuarom mott daut Laum stoawen?" Papa: "Joschia, doamet du läwen kaunst. Gott well daut soo." De Voda naum von daut Tia sien Bloot un bestricht dee Däarerämes doamet. Aun dee linksche Sied, un uk dee rasche Sied un bowen. Papa: "Daut Bloot es ons Tiekjen. Gott woat dise Nacht hia vebiegonen un wan hee daut Bloot sit, dan woat hee ons nuscht doonen." Joschia: "Daut Schop deit mie leet, oba daut rat mien Läwen." Aule Isareliten deeden daut berädne Tiekjen aun äare Däarerämes strichen. Papa: "Joschia, kom nen, daut woat aul diesta.Trakj die aun. Wie motten reed senen." See deeden dan biem stonen äten. Om Meddanacht wia een ludet schrieen to hieren. In jieda ägyptische Famielje storf dee älsta Sän. Farao: "Seet to daut jie daut Launt veloten. Trajt rut, met aules waut junt jehieet. Veschwinjt hia, oba nu fuatz!" Mea aus eene Million Mana, Frues un Kjinja wieren reed un veleeten Ägypten. Joschia läwd. De Papa naum am aun de Haunt. Daut Tiekjen aun de Däa haud am veschont in sien Läwen jerat. Gott well ons bewoaren. Hee well daut Läwen un nich däm Doot. Aus de Har Jesus soo aunjewundt aum Kjriez hänjen deed un storf, dan wort sien Bloot toom Tiekjen doafäa, daut Gott ons ver däm eewjen doot raden well. Doawäajens haft Jesus jesajcht: Wäa aun mie jleeft, dee woat läwen, uk wan hee stoaft. (Johanes 11,25) Persoonen: Eena waut vetalen deit, Junj, Mama, Gott, Joschia, Papa, Farao Copyright: CEF Germany |