STORIES for CHILDREN by Sister Farida(www.wol-children.net) |
|
|
Home عربي |
Home -- Punjabi -- Perform a PLAY -- 089 (Ringu at the bull race 1) This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- Platt (Low German) -- Portuguese -- PUNJABI -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
!ڈرامے- ایناں نُوں اپنے بیلیاں لئی ادا کرو 98. رِنگو ڈھگیاں دی ریس تے ۱بھارت دے اک نِکے جیہے پنڈ وچ رِنگو ڈھگیاں نوں لےآیا۔ فیراوہدے ماں پیو ڈھگیاں والی گڈی اُتے بہہ گئے۔ رِنگو: ”بٹو، چھیتی نال بہہ جا، اسی جان لگے اَں۔“ بٹو: ”واہ واہ، اسی بازار چلے اَں۔“ رِنگو: ”تے فیراسی ڈھگیاں دا اوہ وڈا تہوارمناواں گے۔“ بٹو: ”رِنگو، مینوں بڑی خوشی ہووے گی جے توں ڈھگیاں دی دوڑ جیت گیا تے۔“ رِنگوبڑا گھابریا ہویا سی جدوں اوہ ڈھگے چلان لئی اگے بیٹھا۔ اوہناں نے جنگل دے راہ وچوں لنگ کے جانا سی۔ کجھ لوک کہندے سن پئی اوتھے شیر رہندے نے ہور تے ہور بدروحواں وی اوتھے لُکیاں ہوندیاں نے۔ بٹو: ”چھیتی چلا، رِنگو ہور تیز۔“ رِنگو: ”ہو سکدا اے سانوں کوئی پردیسی لبھ جاوے؟ توں جاندا ایں، اوہ جیہڑا لمبے تے گورے رنگ دے ہوندے نے۔ اوہ جیہڑے سدا چنگے خدا دے بارے وچ گلاں کردے رہندے نے۔“ شہر وچ بڑی رونق سی۔ جیویں ای اوہ شہر وچ وڑے تے رِنگو ساریاں نالوں پہلاں کُد کے ڈھگیاں والی گڈی وچوں باہر نکلیا۔ رِنگو: ”آہ! آہ! میرا پیر!“ اک لمبا کنڈا اوہدی اڈی وچ لگ گیا سی۔ اوہنے اپنے دنداں نوں دبیا تے کنڈے نوں باہر کڈھ لیا۔ تے فیر اوہ لنگڑا کے اپنے ماں پیو دے پیچھے پیچھے ٹُریا۔ اوہدے پیو نے دکان تھوں کجھ لیاتے رِنگو نے اک کیلا چوری کر لیا۔ اوہ ایہہ چنگی طرح جاندا سی پئی ایہہ چنگا نہیں پر اوہنے سوچیا پئی دوجے لوک وی تے چوری کردے نے۔ اوہناں نوں اک سوہنے ساز دی واج آئی۔ رِنگو دوڑ کے اوہدے وَل جانا چاہندا سی پر اوہدی اک بندے نال ٹکر ہو گئی۔ اوس بندے دے ہتھ وچ جِنے وی کاغذ سن اوہ ڈگ پئے جیہڑے اوہنے پھڑے ہوئے سن۔ اوہ پردیسی سی۔ رِنگو نے دوڑ جانا چاہیا پر اوہنوں واپس بلا لیا گیا۔ مشنری: ”اک منٹ ٹھہر میرے یار، میَں تینوں ایہہ کاغذ دینا چاہندا اَں۔ ایہہ خدا وَلوں اک خط اے۔ توں ایہدے وچ اوہدے پیار دے بارے پڑھ سکدا ایں جیہڑا اوہ تیرے نال کردا اے۔“ رِنگو نے اوہ کاغذ چھیتی نال پھڑیا تے اوہنوں اپنی پگ وچ رکھ لیا۔ اوہ ساز وجنا بند ہو گیا تے اوہ بھارتی جیہڑا واجا وجاندا پیا سی اوہ کھلو گیا۔ پانڈو: ”میرا ناں پانڈو اے۔ میَں بدروحواں نوں قربانیاں چاڑھداں ساں، تے میَں ڈھگیاں دی پوجا کردا ساں۔ پر ہن میَں زندہ خدا نوں جاندا اَں تے اوہدی خدمت کردا اَں۔ اوہ ای سچا خدا اے۔“ رِنگو اینہاں گلاں بارے سوچدا رہیا۔ اگلی صبح ڈھولاں دی اُچی واج نے اوہنوں جگا دِتا۔ ڈردے ہوئے اوہنے اپنے لال تے سُجے ہوئے پیر نوں ویکھیا۔ اوہدے پیو نے چڑیلاں دے ڈاکٹر نوں بلایا۔ جدوں او اوہدے وَل آوندا پیا سی تے رِنگوکمبن لگ پیا۔ اوہنے سَٹ اُتے مرچاں دھوڑیاں تے اوہدے کناں وچ پھوک ماری۔ رِنگو چیکیا۔ رِنگو: ”آہ! آہ!“ مرچاں تے پھوک نال کیہ فیدہ ہووے گا؟ دوڑ شروع ہو گئی۔ رِنگو نوں بڑی پیڑ ہوندی پئی سی۔ پر اوہنے اپنےآپ نوں قابو کیتا تے ہسن دی کوشش کیتی۔ (بندوق دے چلن دی واج) ڈھگیاں نے دوڑنا شروع کیتا۔ لوکاں نے اوہناں نوں شاباش دِتی۔ رِنگو پیڑ دی وجہ توں فیر رویا تے ڈھگے والی گڈی دے پیچھے دوڑیا۔ اوہنوں ٹھیڈا لگا تے فیر۔۔۔ ۔۔۔؟ اگلی کہانی تہانوں ایہہ دسے گی پئی فیر کیہ ہویا۔ لوک: بیان کرن والی، رِنگو، بٹو، مشنری، پانڈو حقوق: بحق سی ای ایف جرمنی محفوظ نے۔ |