STORIES for CHILDREN by Sister Farida(www.wol-children.net) |
|
|
Home عربي |
Home -- Punjabi -- Perform a PLAY -- 052 (Without a schedule to Hawaii) This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- Platt (Low German) -- Portuguese -- PUNJABI -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
!ڈرامے- ایناں نُوں اپنے بیلیاں لئی ادا کرو 25. منصوبے بغیر ہوائی دا سفرکیہ تساں کدی غور کیتا اے پئی کس طرح وطن بدلن والے پنچھی دور دی اُڈاری لین توں پہلاں بجلی دیاں تاراں اُتے کٹھے ہوندے نے؟ جے اوہناں دی راہ وچ کوئی مشکل آ جائے تے؟ ہر سال عصفوری نسل دیاں چڑیاں، ابابیل تے سارس جیہے پنچھی ویلے اُتے جنوب وَل اُڈدے نے۔ کون اوہناں نوں دسدا اے پئی ایہہ جاون دی تیاری دا ٹھیک ویلا اے؟ خدا، بناون والا، اوہنے اوہناں نوں ایسا بنایا اے۔ اوہ اوہدے اشاریاں اُتے ٹُردے نے تے ایہدے نال اوہناں دی جان بچدی اے۔ کجھ پنچھی ۰۰۰۶ میل تک اُڈدے نے تے فیر پونگر دی بہار وچ مُڑ آپنے اوسے آہلنے وچ آوندے نے۔ کیہ ایہہ اک معجزہ نئیں؟ کیہ تُسی امریکی سنہری پائپر نوں جاندے او؟ اوہ الاسکا وچ رہندا اے، اوتھے، جتھے کدی وی برف ۰۰۱ فی صد نئیں کھُردی۔ ۶۲ دن بعد، اوہ آنڈے وچوں نکل آوندا اے۔ گوندنی دے درخت دا پھل تے موٹے کیڑے اوہدا پسند دا کھانا نے۔ اوہ اک کبوتر جِنا وڈا ہوندا اے، تے اوہدے پَر سنہرے چمکیلے تے ہرے ہو جاندے نے۔ اوہ بہتا ٹُر نئیں سکدا، پر اوہ اُڈ سکدا اے۔ ایہہ اوہدے لئی بہتا ضروری اے، کیوں جو اوہ آپنیاں پالے دیاں چھٹیاں ہوا ای وچ گزاردا اے۔ ایہدا مطلب اے پئی اوہنوں بغیر رُکے ۸۸ گھنٹے اُڈنا پیندا اے۔ بولن والا: ”سائنس داناں لئی اوہدا سفر بڑا بھیداے۔ اوہدے اُڈن توں پہلاں، اوہ آپنے بدن دا بھار آدھا ودھا لیندا اے۔ سوچو جے تہاڈے نال ایس طرح ہوندا تے۔ اُڈاری ماردیاں اوہ ۰۰۰۰۵۲ واری اُتے تھلے پَر ماردا اے۔ کیہ تُسی ۰۰۰۰۵۲ واری بغیر رُکے اُٹھ بہہ سکدے ہو؟ جے پنچھیاں کول رفتار ناپن والی مشین ہوندی تے اوہ ایہہ دسدی پئی اوہ ۱۳ میل فی گھنٹہ دی رفتار نال اُڈ سکدے نے۔ سنہری پائپر اوہناں اشاریاں اُتے ٹُردا اے جیہڑے خدا اوہدے دل وچ پاوندا اے۔ راہ دسن والی مشین دے بغیر تے اُڈن دے منصوبے دے بغیر ای اوہ رات نوں بدلاں دے وچوں اُڈ کے جاندا اے۔ تے حالاں ایہہ نوجوان پنچھی پہلاں کدی ہوائی جزیرے وچ نئیں گئے ہوندے فیر وی اوہ ایس نِکے جہے جزیرے نوں ایڈے وڈے سمندر وچ لبھ لیندے نے۔ ایہہ کوئی اتفاق نئیں۔ ایہہ پنچھی خدا دیاں دسیاں ہویاں راہواں اُتے ٹُردے نے تے اوہدی شکرگزاری وچ گیت گاوندے نے۔ کیہ سانوں وی ایس طرح ای نئیں کرنا چاہیدا؟ بائبل وچ ساڈے لئی خدا دے دسے ہوئے اشارے تے راہ ہے نے۔ جیہڑا وی اوہناں اُتے ٹُردا اے اوہ ای آخری منزل تک اپڑے گا۔ لوک: بیان کرن والی، بولن والا حقوق: بحق سی ای ایف جرمنی محفوظ نے۔ |