3. سُوراں دی خوراک یا ضیافت دا کھانا

پّیوباری دے کول بڑا اُداس کھلوتا سی۔ کُجھ دن پہلوں اوہدا نکا پُتراوہنوں چھڈ گیا۔ اوہ کتے چلا گیا۔ اوہنے آپنی جائیداد دا حصہ وی لے لیا تے چلا گیا۔اوہنے اک واری وی پیچھے مڑ کے نہ ویکھیا!

پّیواوہنوں بہت پیار کردا سی۔ اوہدا پُترکتھے ہوے گا؟ اوہدا کی حال ہووے گا؟

اونج تے اوہ خوش ای نظر آرہیا سی۔ اوہدے کول بہت سارا پیسہ سی، بہت سارے دوست سن۔ اوہ ایک دعوت وچوں نکلدا تے دوجی وچ چلا جاندا۔ اوہ خوشی مناندا، ہسدا، تے نشہ وی کردا، تے ایسے ہور کم وی کردا سی جیہڑے اوہ جاندا سی کہ غلط نے۔ اوہ لوکاں دی بھیڑ وچ رہنا پسند کردا سی۔ چھیتی یو ای اوہدا سارا پیسہ ختم ہو گیا۔ تے اوہدے دوست وی اوہنوں چھڈ گئے۔

اوہدے کول نوکری نہ ہونا اک وڈا مسئلہ سی۔ آخر اوہنوں اک کسان دے کول کم مل گیا۔ سُوراں نوں کھانا کھواون دا کم_ اوہدی زندگی دا سب توں کھٹیا کم! اوہ بھکھا مرن لگا تے چاہندا سی کہ سُوراں دا کھانا کھا لوے، پر اوہنوں اجازت نئیں سی۔ بھوکھے ٹیڈ تے پاٹے کپڑیاں وچ اوہ بُو دے بھرے سُوراں دے کول بہہ کے افسوس کرن لگا۔

اوہدا پیّواوہنوں پیار کردا سی –کی اوہنے ایس گل اتے غور کیتا؟

اوہ اچانک اُٹھیا تے اونےاک فیصلہ کیتا۔ اوہنے کہیا:

پُتر: ’’میں گھر جا واں گا تے آپنے پّیو نوں آکھاں گا کہ مینوں معاف کر دے میں تیرے خلاف گُناہ کیتا تے میں اپنے راہ ٹر گیا۔‘‘

واقعی اوہ ایس گل نوں آپنے پّیو دے سامنے قبول کرنا چاہندا سی۔

ذرا ایس گل نوں سوچو: جدوں پُتردُور سی، آپنے پّیو دے گھر توں بہت دُور، تے اوہدے پّیونے فیر وی اوہنوں ویکھ لیا۔ اوہ آپنے پُترنوں پیار کردا سی تے دوڑ کے اوہنوں ملن گیا!

ایس توں پہلوں کہ پُتر کجھ کہندا، پّیونے اوہنوں گل نال لا لیا تے اوہنوں چُمیا۔اوہنے بڑی خوشی نال آپنے نوکراں نوں بُلایا تے اُوہناں نوں دسیا:

پّیو: ’’جلدی جاؤ تے صاف کپڑ ے لے کے آؤ، اک انگوٹھی تے جوتی وی۔ تے ایک ضیافت تیار کرو! اسی خوشی مناواں گے، کیوں کہ میرا پُترآ گیا اے! اوہ موت دے مُنہ وچ چلا گیا سی پر زندہ بچ گیا ہے! اوہ گواچ گیا سی، پر ہن لبھ گیا اے تے واپس آگیا اے!‘‘

اوہدےپّیوکولوں جنا ہو سکیا اوہنے آپنے پُترنوں پیار کیتا، ایسے طرح خُدا وی تہانوں تے مینوں پیار کردا اے۔ اوہ چاہندا اے کہ اسی اوہدے کول آئیے تے اوہدے نال رہیے۔ ایسے لئی یسوع نے ایہہ کہانی سُنائی۔

کی تسی خُدا دے پیار دے بارے وچ ہور جاننا چاہندے ہو تے ایہہ وی کہ اوہدے کول کس طرح آنا اے؟ تے فیر تسی مینوں ای میل لکھو!

لوک: بیان کرن والی، پّیو، پُتر

حقوق: بحق سی ای ایف جرمنی محفوظ نے۔