Platt - Low German, Dramas: Piece 003 – Schwienzfooda ooda Fastäten

Home -- Platt (Low German) -- Perform a PLAY -- 003 (Pig slop or banquet dining)

This page in: -- Albanian -- Arabic -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi ? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam ? -- PLATT (LOW GERMAN) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German ? -- Tamil -- Turkish -- Ukrainian -- Urdu -- Uzbek

Previous Piece -- Next Piece

DRAMASTEKJA – doo aundre Kjinja daut väaspälen!

Dramastekja fa Kjinja toom väadroagen

3. Schwienzfooda ooda Fastäten

Truarich stunt de Voda aum Fensta. Ver een poa Doag haud am sien jingsta Sän veloten. Eefach wajchjerant wia hee. Sien Jelt vom Oafgoot haud hee sich enjefupat, un wia de Gaus delänjd jegonen. Nich mol omjedreit haud hee sich.

De Voda leeft am. Woo es de Sän? Woo jeit am daut?

O, aunschienend jinj am daut goot. Väl Jelt, väl Frind. Von eenem Fast nom aundren. Fieren, lachen, väl drinkjen un Dinja doonen, woo hee aunz neiw wisst, daut dee nich Rajcht sent. Hee leet sich eefach von dee aundre leiden. Boolt wudd daut gaunze Jelt wajch sennen. Un de Frind wudd daut dann uk nich mea jäwen.

Aus dann oppeenmol eene Hungaschnoot im Launt wia, gauf daut eene groote Not. Endlich funk hee Oabeit bie eenem Bua. No de Schwien sull hee opppaussen, un daut wia daut schlemmste waut am passieren kunn. De Moag dee gnorrd am aul sea, un aum leefsten haud hee von däm Schwiensvooda jejäten, oba daut wia veboden. Hunjrich un koddrich saut hee bie de Schwien waut soo stinkjen deeden. Un hee musst bloos sea nodenkjen.

De Voda leeft am, aus hee doaraun docht?

Oppeenmol stunt hee opp, hee haud jrod eene Entscheidung jemoakt.

Sän: "Ekj go nohus un saj mienem Voda daut ekj jesindicht hab un daut mie daut Leet deit, daut ekj mienen iejnen Wajch jegonen sie."

Dit wull hee gaunz opp werklich biejäwen.

Stall die daut mol väa, aus de Sän noch wiet auf vom Vodahus wia, dann sach de Voda am aul. Hee leewd am noch ema, un rand am entjäajen.

Ea de Sän äwahaupt een Wuat sajen kunn, naum de Pape am in siene Oarms un gauf am eenen Kuss. Äwajlekjlich roopt hee siene Kjanjchte:

Voda: "Schwind, brinjt fa mienem Sän daut schmokste Kjleet, eenen Rinj un Schoo. Doot een grossoatkjet Äten reedmoaken, wie wellen fieren. Mien Sän wia doot. Hee wia veloaren. Oba hee es nohus jekomen un es wada bie mie."

Soo sea goot, aus de Voda däm Sän haud, soo sea leeft Gott die un mie. Hee well daut wie no am komen un met am läwen. Un doawäajens haft ons Har Jesus dise Jeschicht vetalt.

Muchst du mea äwa Gott siene Leew weeten? Un woo maun no am komen kaun? Dann kaust du no mie schriewen.

Persoonen: Eena waut vetalen deit, Sän, Voda

STORIES for CHILDREN by Sister Farida

3. Schwienzfooda ooda Fastäten