STORIES for CHILDREN by Sister Farida(www.wol-children.net) |
|
|
Home عربي |
Home -- Punjabi -- Perform a PLAY -- 004 (Prayers can cause miracles) This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- Platt (Low German) -- Portuguese -- PUNJABI -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
!ڈرامے- ایناں نُوں اپنے بیلیاں لئی ادا کرو 4. دُعاواں معجزات دا سبب بن سکدیاں نیںگلیاں دھوڑ نال بھریاں سن تے سورج اسمان توں اگ پیا وساوندا سی۔ فیر وی اک منگن والاسڑک دے کنڈے بہہ گیا۔ جدوں وی کوئی کولوں لنگدا تے اوہ ہتھ ودھا کے اوہدے کولوں منگدا۔ برتمائی: ’’میری مدد کرو! مینوں کجھ پیسے دیوو۔‘‘ کجھ لوکاں نوں برتمائی اُتے ترس آیا، تے کئیاں نے اوہدی پرواہ نہ کیتی۔ اک دن اینج لگ رہیا سی جیویں یریحو شہر دا ہر بندہ گلیاں وچ نکل آیا ہووے۔ برتمائی: ’’اے کی ہو رہیا اے؟‘‘ آدمی: ’’خُدا دا پُتر یسُوع ایدھر آ رہیا اے، جیہڑا ساریاں نوں پیار کردا تے بیماراں نوں چنگا کردا اے تے مرُدیاں نوں وی زندہ کر دیندا اے۔‘‘ انھے برتمائی نوں چنگیاں ہون دی اُمید مل گئی۔ کی یسوع اوہدی پکار سنے گا؟ برتمائی نے پورے دل نال اوہنوں پکاریا جنوں اوہ یکھ نئیں سی سکدا۔ برتمائی: ’’یسوع، کی تسُی میری مدد نئیں کرو گے!؟ میرے اُتے رحم کرو!‘‘ اوتھے موجود کجھ لوک اوہدی آواز سن کے اوہدے توں تنگ ہوئے تے اہنوں جھڑکیا۔ آدمی: ’’چُپ ہو جا برتمائی تے ایتھوں چلا جا، نئیں تے۔۔۔‘‘ کی یسوع نوں آواز دینا منع ہے؟ بالکُل نہیں! برتمائی نے لوکاں دی گل نہ منی۔ تے سگوں اوہ ہور وی اُچی آواز نال یسوع نوں پکارن لگا: برتمائی: ’’یسوع میری مدد کرو!‘‘ یسوع تے ساریاں دی آواز سندا اے۔ اوہ اتہاڈی دُعا نوں وی سندا اے۔ بائبل وچ دسیا گیا اے کہ پئی یسوع رُکیا تے حُکم دتا: یسوع: ’’اوس انھے آدمی نوں میرے کول لے آؤ!‘‘ تے فیر برتمائی خُدا دے پُتر یسوع دے سامنے کھلو گیا۔ برتمائی اوہنوں ویکھ تے نئیں سی سکدا پر اوہ یسوع دے کول آ کے چین تے تسلی محسوس کر رہیا سی۔ برتمائی نے مسیح دی محبت بھری آواز سنی۔ یسوع: ’’برتمائی، توں میتھوں کی چاہنا ایں؟ توں کی چاہناں ایں کہ میں تیرے لئی کراں؟‘‘ برتمائی نوں یسوع دے سوال دا جواب دین وچ بہتی دیر نہ لگی۔ تے برتمائی دی جیہڑی سب توں وڈی ضرورت سی اوہنے اوہی دُعا مانگ لئی: برتمائی: ’’خداوند ،میں چاہندا ہاں کہ پئی میں فیر توں ویکھ سکاں۔‘‘ یسوع نے اوہدی دُعا نوں سنیا۔ یسوع: ’’سوجاکھا ہو جا! کیوں جو تیرا ایمان میرے اُتے وے، مَیں تینوں شفا دواں گا۔‘‘ برتمائی اوسے ویلے بالکل پوری طرح ویکھن لگ پیا۔ برتمائی نے اوہنوں ویکھیا جنے اوہدی دُعا نوں سنیا تے اوہدی دہائی دا جواب دتا۔ خوشی نال بھریاں اوہنے یسوع دا شکر ادا کیتا تے اوسے ویلے آپنے پورے دل نال یسوع دے پیچھے ٹر پیا۔ بائبل مقدس وچ خُدا تہانوں ایہہ آکھدا ے کہ: ’’مُصیبت دے دن میتھوں فریاد کر۔ میں تینوں چھڈاواں گا تے تو میری تمجید کریں گا۔‘‘ لوک: بیان کرن والی، برتمائی، آدمی، یسوع حقوق: بحق سی ای ایف جرمنی محفوظ نے۔ |