Platt - Low German, Dramas: Piece 142 – Toom Doot veuadeelt 3

Home -- Platt (Low German) -- Perform a PLAY -- 142 (Doomed man 3)

This page in: -- Albanian -- Arabic ? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi ? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam ? -- PLATT (LOW GERMAN) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German ? -- Tamil -- Turkish -- Ukrainian -- Urdu -- Uzbek

Previous Piece -- Next Piece

DRAMASTEKJA – doo aundre Kjinja daut väaspälen!

Dramastekja fa Kjinja toom väadroagen

142. Toom Doot veuadeelt 3

Dokta: "Har Taylor, woo sitet die bloos ut? Moak die reed toom stoawen. Du läfst nich mea lanj."

H. T.: "Oba jo! Ekj woa noch länja läwen. Gott haft in China Oabeit fa mie. Un wan ekj doch stoawen saul, dan sie ekj bie Jesus, un doaropp frei ekj mie."

Hudson Taylor haud sich von eenem doodjen Maun aujestekjt, dee aun eenem schlemen Feeba jestorwen wia. Kjeena docht, daut hee daut äwaläwen wudd. Oba Jesus deed am beschizen. Hudson lieed wieda aus Dokta, wiels daut brukt hee fa sienem Missionsdeenst in China.

Aum 19. Septamba aune 1853 wia daut dan sowiet. Hee jinj nom Schepp waut Dumfries heet, waut von Enjlaunt no China säajeld. Aus see noch mo jrodd unjawäajens wieren, kaum daut Schepp in eenem grooten Storm nen. Daut schiend soo, de Wallen wudden noch aule Menschen un uk daut Schepp venichten. Oba Jesus, dee stoakja Beschiza, leet iend nich unjagonen.

Daut näachste mol gauf daut kjeenen Wint. De Säajel honjen schlaup rauf. Un doabie wia to seenen daut det Schepp kjlikjto noo eenen grooten Steen im Wota lenkjen deed. De Kapitän gauf opp.

Kapitän: "Dit es ons Enj, wie kjenen nuscht mea doonen."

H. T.: "Wie kjenen noch waut doonen."

Kapitän: "Waut dan?"

H. T.: "Wie kjenen bäden, un Gott om Wint bedden."

Hudson Taylor deed bäden un jleewd gaunz faust, daut Gott halpt.

H. T.: "Lot de Hauptsäajel rauf!"

Kapitän: "Waut saul dis Onsenn?"

H.T.: "Gott woat ons Wint schekjen."

Kapitän: "Daut ekj nich lach. Daut well ekj iescht mol seenen."

Dee browa Spata beläwd een Wunda. Oppeenmol blosd de Wint in de Säajel, un see kaumen aun däm jefäarlichen Steen vebie.

Fief Monat lang hild Jesus siene beschizende Haund äwa de Dumfries, un dan hilden see bie Schanghai aun.

Hudson hield fa Freid aus hee opp dee chinesische Ieed noppstiejen deed. Hia wull hee de Menschen von sienem Beschiza vetalen. Doato lieed hee äare Sproak. Daut wia hoade Oabeit. Maunchet mol bruak hee sich meist de Tunj auf.

H: T.: "Sirr Jesu ai o, za tscheng tsching kau su o."

Daut schiend soo, aus wan aul väl Chinese doano jeluat hauden, daut wäa no iend kaum om von Jesus to vetalen. Oba nich aulawäajend wia hee met sienem Bejleita wellkom.

Fru: "Go nich no Tungschau. De Menschen doa sent schlajcht. Dee woaren junt ombrinjen ooda im Jefenkjnis stoppen."

H. T.: "Wan de Menschen schlajcht sent, dan mott wie doahan. Dee brucken Jesus.

(Jelud) Doa wia waut los! Doavon vetal ekj die im näachsten Spell toom horchen.

Persoonen: Eena waut vetalen deit, Dokta, Hudson Taylor, Kapitän, Fru

STORIES for CHILDREN by Sister Farida

142. Toom Doot veuadeelt 3