Malagasy, Dramas: Piece 013 – Fanomezana ho an'i Jesoa

Home -- Malagasy -- Perform a PLAY -- 013 (Gifts for Jesus)

This page in: -- Albanian -- Arabic -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- MALAGASY -- Malayalam ? -- Platt (Low German) -- Portuguese -- Punjabi -- Quechua -- Romanian -- Russian -- Serbian -- Sindhi -- Slovene -- Spanish-AM -- Spanish-ES -- Swedish -- Swiss German ? -- Tamil -- Turkish -- Ukrainian -- Urdu -- Uzbek

Previous Piece -- Next Piece

LALAO – tanteraho miaraka amin’ny ankizy hafa!

Tantara kely holalaovina an-tsehatra

13. Fanomezana ho an'i Jesoa

Nijery ny raibeny izay nanao ireo sary sokitra izay atao ao amin'ny fihinanam-bilona i Tomasy.

Tena ohatran'ny nisy tokoa izy ireo: ireo mpiandry ondry, i Josefa sy i Maria ary i Jesoa zazakely.

Nihareraka izy, ary rehefa nandeha ny fotoana, dia resin-tory ihany izy tamin'ny farany.

Nanofy ilay tranon'omby tao Betlehema izy.

"Oay" hoy i Tomasy tao an-tsainy, "tena afaka ho eo akaikin'ilay fihinanam-bilona aho."

Nanatona akaiky kokoa izy ary tampoka teo dia nalahelo. Ary Jesoa niteny taminy.

Jesoa: "Nahoana ianao no malahelo be?"

Tomasy: "Satria tsy nitondra fanomezana ho anao aho."

Jesoa: "Aza malahelo. Zavatra telo monja no tadiaviko aminao."

Tomasy: "Omeko anao daholo izay rehetra ananako. Ny fiaran-dalamby mandeha amin'ny herinaratra, ny lalao amin'ny solosaina ary..."

Jesoa: "Tsia, tsy izany no tadiaviko avy any aminao. Fa tsy izany no antony nahatongavako avy tany an-danitra ho ety an-tany."

Tomasy: "Inona àry no tadiavinao?"

Jesoa: "Omeo ahy ny fanandinana kajy farany nataonao."

Tomasy: "Fa nahazo naoty ratsy dia aho tamin'iny fanazarana iny."

Jesoa: "Izany no antony itiavako azy. Ento aty Amiko foana izay rehetra tsy ampy eo amin'ny fiainanao. Te hanao izany ve ianao?"

Tomasy: "Eny, hanao izany aho."

Jesoa: "Ny fanomezana faharoa tiako dia ny vilia fihinananao varimbazaha."

Tomasy: "Tsy afaka manome izany ho anao aho satria vaky ilay izy."

Jesoa: "Izany antony izany no itiavako azy. Ento aty Amiko foana izay rehetra vaky eo amin'ny fiainanao. Te hanao izany ve ianao?"

Tomasy: "Eny, hanao izany aho."

Jesoa: "Izao indray ny faniriako fahatelo. Tiako omenao ahy ny valin-teny nomenao ny reninao rehefa nanontany anao izy hoe nanao ahoana ny fomba nahavaky ilay vilia fihinananao varimbazaha."

Teo dia nanomboka nitomany i Tomasy, ary tena vaky ny fony.

Tomasy: "Izaho... Nandainga taminy aho."

Jesoa: "Tomasy, ny lainganao, ny zava-manahirana anao, ny zava-dratsy rehetra eo amin'ny fiainanao: azonao entina atỳ amiko avokoa; ny fiainanao manontolo. Mamela heloka anao aho ary hanampy anao handeha amin'ny làlana marina. Homba anao mandrakariva aho ary hanoro anao ny lalan'ny fiainana. Tianao ve izany?"

Tena naniry izany tokoa i Tomasy! Hatramin'izay fotoana izay dia nino an'i Jesoa izy sady nihaino azy.

Mpandray anjara: Mpitantara, Tomasy, Jesoa

STORIES for CHILDREN by Sister Farida

13. Fanomezana ho an'i Jesoa