STORIES for CHILDREN by Sister Farida(www.wol-children.net) |
|
|
Home عربي |
Home -- Kazakh -- Perform a PLAY – 106 (End of the line 6) This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- KAZAKH -- Korean -- Kyrgyz -- Macedonian -- Malayalam? -- Platt (Low German) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
ДРАМАЛАР -- оларды достарыңа көрсет
Балалардың орындауына арналған Көріністер
106. Жолдың соңы 6Жол бер - Біржақты қозғалыс - Тұйық көше - Көлік тұрағына тыйым салынады - Жол бер - Тоқтаусыз қозғалысқа тыйым салынады (STOP)… Жол белгілері болмаса, қала жолдарында толық тәртіпсіздік болатын еді. Жол белгілері болмаса ел шытырманға айналар еді. Халықардың үлкен тобыры шөл далада келе жатты. Ешқандай жол немесе белгілер болмады. Бірақ, бір жол белгісі болды. Бұл бағана тәрізді бұлт болды. Құдайдың Өзі Өз халқының алдында жүріп, оларды мысыр құлдығынан уәде етілген жерге алып келе жатты. Өз халқын тура жолға салатын Құдаймен кім теңесе алады? Бағана тәрізді бұлт тоқтаған кезде, адамдар демалуға мүмкіндік алды. Ал ол қайтадан қозғала бастағанда, бәрі орнынан тұрып, жол жүруін жалғастырды. Түнде ол жалындаған от бағанасына айналды және ол жолды ең күшті прожектордан да жақсы жарықтандырды. Өз халқын тура жолға салатын Құдаймен кім теңесе алады? Исраилдік: «Бұлт тоқтады. Енді біз шатырды орната аламыз». Исраилдік әйел: «Біз дәл Қызыл теңіздің жағасындамыз. Қандай керемет!» Бала: «Мен онда жүзе алам ба?» Исраилдік: «Ой, мен ана жерде не болып жатқанын көре алмай тұрмын. Артқа қараңдар!» Исраилдік әйел: «Бұл мүмкін емес! Олар осында келе жатыр!» Исраилдік: «Мысырлықтар біздің артымызда! Біз тұзаққа түстік!» Исраилдік әйел: «Мұса, сен бізді мына қорқынышты шөл далаға не үшін әкелдің?» Мұса: «Қорықпаңдар! Біздің Құдайымызбен кім теңесе алады? Ол бізді құтқарады!» Кенеттен исраилдіктер мен мысырлықтардың арасында үлкен бұлт пайда болды. Ол жаудың жағынан қараңғы болғанымен, исраилдіктердің жағында жарқырап тұрды. Осылай көмектесетін Құдаймен кім теңесе алады? Ол үшін мүмкін емес ештеңе жоқ! Мұсаның Құдай берген аса таяғы болды, ол соны Қызыл теңізге қарай созды (долы толқындардың дыбыстары). Исраилдік: «Бұл керемет! Мынаған қараңдар! Жол! Дәл теңіздің ортасында!» Исраилдік әйел: «Оң жақта және сол жақта су қабырғасы. Құдай бізге жол ашты!» Осындай кереметтер жасайтын Құдаймен кім теңесе алады? Расында да, теңіздің ортасынан құрғақ жол пайда болды. Бүкіл исраилдіктер осы жолдан өтіп, теңіздің арғы бетіне шықты. 1-ші мысырлық: «Олардың артынан жүрейік, алға! Біз де бұл жолдан өте аламыз». 2-ші мысырлық: «Ой, арбаның дөңгелектері балшыққа батып кетті. Біз өлдік! Құдай бізге қарсы соғысып жатыр!» Осыны айтып үлгерген бойда, мысырлықтарды жан-жақтан су басып жатты. Бүкіл мысыр әскері суға батып кетті. Исраилдіктер: «Біз құтқарылдық! Құтқарылдық! Біздің Құдайымыз жауларымызды талқандап, оларды мәңгілікке жойды». Олар Құдайға мадақ пен шүкіршілік әнін қуанышпен шырқады. Рөлдер: Баяндаушы, исраилдік, исраилдік әйел, бала, Мұса, екі мысырлық Авторлық құқықтар: CEF Germany |