651. آستر - اوڀر جو تارو 1

ڇوڪري: ”ڇا توهان مون کي سڃاڻو ٿا؟ منهنجو نالو هَدسہ آهي، ۽ مان فارس ۾ رهان ٿي۔ پر مان هتي پرديسي آهيان۔ منهنجا والدين وفات ڪري چڪا آهن۔ مان هاڻي اهو ياد بہ نٿي ڪرڻ چاهيان۔ مردڪِي، هڪ مائٽ مون کي پنهنجي پناهہ ڏنِي۔ هو سٺو ماٽيلو پيءُ آهي۔ اسين هڪ عظيم شهر سوسن ۾ رهون ٿا۔ هتي هرڪو مون کي آستر چوندو آهي۔ منهنجي فارسي نالي جو مطلب آهي ’اوڀر جو تارو۔‘“

هڪ انجان، خوبصورت ۽ سمجھدار يتيم کي خبر ئي نہ هئي تہ هوءَ هڪ ڏينهن روشن تاري جيان چمڪندي ۽ تمام مشهور ٿي ويندي۔

آستر راڻي بڻجي وئي۔ سندس ڪهاڻي بائبل ۾ بيان ڪئي وئي آهي۔

عظيم بادشاهہ اخسویرس هن کي چونڊيو۔ سڀني جوان ڇوڪرين ۾، هن آستر کي بهتر سمجھيو۔

هن سندس مٿي تي تاج رکيو ۽ هڪ وڏي دعوت رکي۔

ان ڏينهن هن سڄي ملڪ مان ڪو بہ محصول نہ ورتو، ان جي بجاءِ تحفا ورهايا۔ اهو ڪو اتفاق نہ هو تہ آستر بلڪل ان وقت راڻي بڻجي وئي۔ مون کي پڪو يقين آهي تہ بادشاهہ اخسویرس جي چونڊ جو هي سڀ اثر ٿي رهيو هو۔

آستر پُوري دنيا جي بادشاهہ تي يقين رکندي هئي، جنهن بادشاهہ جي دل کي هن معاملي ۾ استعمال ڪيو هو۔

آستر پاڻ سان گڏ هڪ راز محل ۾ کڻي وئي۔ ڪو بہ نہ ڄاڻندو هو تہ هوءَ يهودي آهي۔ هن جي ماٽيلي پيءُ کيس منع ڪيو تہ هو ڪنهن کي نہ ٻڌائي۔ هن سندس ڳالهہ مڃي ۽ ان باري ۾ خاموش رهي۔ مردکي پڻ بادشاهہ لاءِ ڪم ڪندو هو۔ هڪ ڏينهن هن بادشاهہ جي ٻن نوڪرن کي بادشاهہ جي خلاف سازش ڪندي ڏسي ورتو۔ انهن کيس قتل ڪرڻ جو منصوبو ٺاهيو۔ مردکي راڻي آستر کي ان باري ۾ ٻڌايو ۽ آستر فوري طور تي بادشاهہ کي ان باري ۾ آگاهہ ڪيو۔

هي سازش جلد ئي سڀني کي معلوم ٿي وئي ۽ قصوروار ماڻهن کي جلد ئي سزا ڏني وئي۔

اخسویرس پنهنجي منشي کي ان باري ۾ پنهنجي تاريخ واري ڪتاب ۾ لکڻ لاءِ چيو، جيڪو هن ڪري ڇڏيو۔

اڃا گھڻو وقت نہ ٿيو هو جو هڪ مطلب پرست ماڻهو محل ۾ داخل ٿيو۔ غرور سان ڀريل هامان۔ هن پاڻ کي بادشاهہ جي نظر ۾ تمام سٺو ثابت ڪيو۔

هامان فارسي حڪومت جو ٻئي درجي جو طاقتور ترين ماڻهو هو۔

هو هڪ اهڙو ماڻهو هو جنهن جي دل ۾ شيطان جو منصوبو هو۔

اڳئين ڊرامي ۾ توهان ان باري ۾ ٻڌندؤ۔

ماڻهون: بيان ڪرڻ واري، ڇوڪرِي

ynamreG FEC :thgirypoC ©