Home -- Quechua -- Perform a PLAY -- 156 (Esther – star of the East 1)
156. Ester - inti llojsimuy ch´aska 1
Niña: "¿Rejsiwankichu? Sutiyqa Hadasa tiyakunitaj Persia suyupi, kaypeqa forasteralla kani. Tatay mamaykuna wañupusqanku, manaña yuyanichu imaynahcus kasqankumantaqa. Mardoqueo, uj aylluymanta kaj, uyawakuwasqa wawanta jina, manchay k’acha tata mana Tatay chaypis noqapajqa, paywan kawsakuychu jatun may uyarisqa Susa llajtapi. Kaypitaj tukuy rejsiwanku Ester sutiwan, persamanta sutiyqa niyta munan "qoyllur- estrella del oriente"."
Chay k’acha imillitaqa, mana rejsisqalla manchay yachayniyoj mana yuyasqachu uj p’uchay ch’aska jina k’ancharinantaqa, manchay jatumpaj qhawasqataj kanantaqa. Esterqa reinachá kasqa, imayna kawsasqanmantataj Bibliapi qhelqasqa kashan.
May atiyniyoj rey Asuero ajllasqa reyna kanampajqa. Tukuynin k’acha sipasitakunamanta, paypuni allin rijch’asqa reymanqa, uj reinaj pillunta umanman churaykuspa reynaj tiyananman tiyaykuchisqa. Chay p’unchayqa nipipis impuestos paganchu kasqa, chanta juch’uy wawakunamampis pujllanasta waqesqanku, may khuyakuy p’unchay chay p’unchay kasqa.
Mana jinallachu kasqa Ester reyna kayman chayasqa chay tiempopeqa á. Diospuni chayta wakichispa Asuerowan Ester reyna kanampaj ajllacherqa. Tukuy Atiyniyojmin chayman chayacherqa, pipichus Ester creerqa chaymin qonqonta kuyurichisqa.
Esterqa uj secretota jallch’asqa kamachina palacioman chayanankama, nipipis yachasqankuchu payqa judía kasqantaqa. Pichus uyawakoj tatan jina kasqa chayqa yuyaychasqa amapuni pimampis rimarinanta maymantachus kasqantaqa. Payta uyarikoj sipas kaspa mana pimampis nisqachu.
Mardoqueopis reypaj llank’allajtaj kasqa. Rikusqataj imaynatachus iskay reywan lank’ajkunallataj wañuchinankupaj wakichikusqankutaqa. Chayta ripuspa imatachus yuyasqankuta yacharqospataj reina Esterman willarqosqa, reynataj chayrato reyman willarqosqa, kamachisnillantaj wañuchinankupaj wakichikushasqankuta.
Chaytaj sut’incharpakusqa, reyta wañuchiyta munajkunaraj wañuchichikusqanku. Rey Asueroqa kamachisqa, secretarion tukuy imachus kaj yachakunampaj qhelqanankuta, imaynachus Persia suypuni kamachiy kasqanman jina sapa p’unchaypuni, reymanta, ruwasqasninmantapis qhelqaj kasqanku á.
Chay jinaqa mana chhika unaytachu kasqa, chaymanta uj sajra sonqo runa rikhurisqa: Amán, chay runaqa manchay uma oqharisqa, orgullosotaj payllapis kanman jina yuyakoj runa kasqa. Amánqa Persia suyumanta reypa paña makinman jina tukusqa.
Chay runaqa sonqompi sajra runa kasqanwan, supaypa munasqa sonqompi junt’a kajtin, uj mana allintachá wakirichikusqa…
Chaymanta qhepallampiña parlasqayki chaychu.
Personajes: Relator, niña
© Copyright: CEF Germany