STORIES for CHILDREN by Sister Farida

(www.wol-children.net)

Search in "Quechua":

Home -- Quechua -- Perform a PLAY -- 147 (Nothing is too hard for God 2)

Previous Piece -- Next Piece

JUCH’UY WAKICHIYKUNA – rejsichisqa waj wawakunapaj!
Juchuy Kuentitus wawaskunapaj Ruwaskan

147. Diospajqa tukuy ima atikun 2


¡Nipuni jina kanmanchu! ¡mana manapuni! jinatacha yuyanan karqa Abrahamqa. ¿Imarayku? Payqa awichuna kasqa á, warmi Sarapi k’asituñapuni kasqa. Unay unayña Dios nisqa uj wawata qonanta, wawayoj kay 89 watasniyojpirí, tata kayta 99 watasniyojpi, chayqa cheqamanta manapuni kaj jinachu. ¿Dios paymanta qonqarpanmanchu karqa?

Abrahamqa tondompa punkumpi tiyasqa kashasqa, chawpi p’unchay kasqa manchaytataj inti k’ajarimushasqa. Chayllapi kinsa runakuna chayaykusqanku, Abrahamqa k’umuykuspa napaykusqa paykunataqa. Sonqompi yachasqaña paykunanejta Diospuni wasinman chayashasqanta.

Abraham: "Señor, amallaraj ripuychejchu ari, ujchhikitantawan karikullaychejraj. Yakuta apamusaj chakiyniykichejta mayllakunaykichejpaj, kay llanthitupitaj tiyarikuychej, imitallatapis wakirqochisaj mikhurinapaj."

Hombre: "Walejpacha, ruwallay nisqaykiman jina."

Abrahamqa usqayta ruwarqosqa t’antata, kamachisnintaj uj wakatapuni ñak’arqosqanku, chaymanta Abrahamqa uj sumaj misk’i mikhunata wakirqochispa chay kinsa watukojkunaman mikhurachisqa.

Hombre: "¿Maypitaj kashan warmiyki Sararí?"

Abraham: "Aaa, jaqay toldo ukhupi kakushan."

Hombre: "Cheqatapuni niyki: wata kunanta jina kutimojtiyqa, Saraqa wawayojña kanqa."

(Risa)

Saraqa asirikusqa chayta uyarispaqa, toldo wasamanta uyarimushasqa. "Chaychu kanmanri á noqa viejaña kaneqa" nispa.

Hombre: "¿Imaraykutaj asikun Sara? nintaj: ¿kunan wawayojchu kayman kay jina viejayayniypi? Nispa. ¿Diospaqa imapis mana atikoj kanmanchu? Watapajqa Saraqa wawayojña kanqa."

¿Diospaj kanmanchu imapis mana atikojqa? Chunka kurajta Dios Abrahamman nisqa wawata qonantaqa. Uj kutitaj allinta jap’eqanampaj jina rijch’anachinawampuni nisqa.

Voz de Dios: "Abraham, qhawariy cielota, ¿maskha estrellastaj kanrí? Ajinata mirayniykita noqa mirachisaj."

Abrahamqa mana yupayta atisqachu estrellastaqa, jinapis Diospi atienikurqapuni. May chhika estrellakunaqa rikuchisqanku: Diosqa aswan jatun kasqanta, ¿kanamchu Paypa imapis mana atikojqa? ¡Ni jayk’aj! ni imapis mana atikojqa kanchu.

Yachawajchu á, Abrahamqa 100 watayniyojña kashaspa tata kasqa, Sarataj manchay kusisqa mana kasqa 90 watasniyoj kashaspa.

(Risa de bebé) Chay wawantaqa chay chhika unayta suyasqa, sutichasqankutaj Isaac sutiwan.

Diospajqa mana imapis mana atikojqa kanchu. Payqa aswan jatun yuyasqaykimanta nisqaqa. Estrellasta yupasaj niy má, chaypi cuenta qokunki.


Personajes: Relator, Abraham, hombre, voz de Dios

© Copyright: CEF Germany

www.WoL-Children.net

Page last modified on August 08, 2023, at 05:12 PM | powered by PmWiki (pmwiki-2.3.3)