Home -- Punjabi -- Perform a PLAY -- 147 (Nothing is too hard for God 2)
!ڈرامے- ایناں نُوں اپنے بیلیاں لئی ادا کرو
بچیاں دے ادا کرن لئی ڈرامے
741. خُدالئی کجُھ مشُکل نہیں ۲
ناممکن! بالکل ناممکن! ابرہام نے ضرور ایہہ سوچیا ہووے گا۔
کیوں؟ اوہ بڈھا سی، تے اوہدی بیوی سارہ وی۔ بڑے چِر پہلاں خدا نے اوہنوں پُتر دین دا وعدہ کیتا سی۔ پر ۹۸ سال دی عمر وچ پُتر دا جمنا، تے ۹۹ سال دی عمر وچ پیو بننا، خیر ایہہ تے بالکل ناممکن اے۔
کیہ خدا اوہنوں بھُل گیا سی؟
ابرہام آپنے تنبو دے بوہے وچ بیٹھا سی۔ ایہہ دوپہر دا ویلا سی تے بڑی ڈاہڈی گرمی سی۔ اچانک اوہدے کول کجھ پروہنے آگئے۔ تین بندے۔ ابرہام نے اوہناں نُون جھک کے سیس نوایا۔ کیہ اوہنوں پتہ لگ گیا سی پئی اوہناں وچوں اک خدا آپ سی؟
ابرہام: ”میرے مالک، تُسی ہور پینڈا نہ کرو۔ ایتھے ای ٹھہرو۔ میَں پانی لیاوندا اَں تے تہاڈے پیر دھوندا اَں۔ تُسی چھاں وچ بہہ جاﺅ۔ میَں تہاڈے لئی کھانا پکاندا اَں۔“
بندہ: ”اوہ ای کر جو توں آکھیا اے۔“
ابرہام نے تیاری وچ چھیتی کیتی۔ سارہ نے روٹیاں پکائیاں، نوکراں نے وچھا کوہیا، تے ابرہام نے بڑا ای چنگا کھانا پیش کیتا جیہڑا پئی مکھن والے دودھ تے تازے دودھ نال بنیا ہویا سی۔
بندہ: ”تیری بیوی سارہ، کِتھے وے؟“
ابرہام: ”اوہ تنبو وچ اے۔“
بندہ: ”میَں تینوں سچ دسدا اَں۔ اک ورھے بعد، جدوں میَں مُڑ آواں گا تے سارہ پُتر جمے گی۔“
(ہسن دی واج)
سارہ ہسی۔ اوہ لُک کے سُندی پئی سی۔ ناممکن، اوہ ایہہ سوچدی پئی سی۔ میَں تے پہلاں ای اینی بُڈھی اَں۔
بندہ: ”سارہ کیوں ہسدی پئی اے تے آکھدی اے پئی اوہدے لئی پُتر جمنا ناممکن گل اے؟ کیہ خدا لئی کوئی گل مشکل اے؟ اک سال وچ، سارہ دے پُتر ہووے گا۔“
کیہ خدا لئی کوئی گل ناممکن اے؟ خدا نے ابرہام دے نال دس واری وعدہ کیتا پئی اوہ اوہنوں پُتر دیوے گا۔ اک واری تے ایہہ بڑا خاص ویلا سی۔
خدا دی واج: ”ابرہام، اُتے آسمان وَل ویکھ تے تاریاں نوں گِن۔ میَں تینوں اینی اولاد دیواں گا۔“
ابرہام تاریاں نوں نہیں گِن سکدا سی، پر اوہنے خدا اُتے یقین کیتا۔ وڈا آسمان تاریاں نال بھریا سی جنہاں تھوں اوہنوں پتہ لگیاپئی خدا کِڈا وڈا اے۔ کیہ اوہدے لئی کوئی گل ناممکن اے؟
نہیں!
تے سوچو، جدوں ابرہام ۰۰۱ ورھیاں دا سی، اوہ پیو بنیا سارہ جہدی عمر ۰۹ ورھیاں دی سی اوہ ماں بن کے بڑی خوش سی۔
(بچے دے ہسن دی واج) اوہناں نے اوس لمبی اُڈیک دے بعد جمن والے بچے نوں اضحاق ناں دِتا۔
خدا لئی کوئی وی شے ناممکن نہیں اے۔ اوہ تہاڈی سوچ نالوں بہت وڈا اے۔ تاریاں نوں گِنن دی کوشش کرو تے فیر ویکھو پئی خدا کِڈا وڈا اے۔
لوک: بیان کرن والی، ابرہام، بندہ، خدا دی واج
حقوق: بحق سی ای ایف جرمنی محفوظ نے۔