Home -- Quechua -- Perform a PLAY -- 118 (Sled crash 2)
118. Mana allin kay qatirin 2
¿Munawajchu burropi riyta autopi rinaykimantaqa? Anawan Lucaswanqa, karu karu Suiza sutiyoj suyupi kawsakusqanku, noqanchej jina campopi, chay tiyakusqanku chaytaj uj loma patapi kasqa, chaymanta sapa paqarin trineo nisqapi valleman jurayk’oj kasqanku. Trineo chayqa uj carrito jina paykunaj ruwakusqanku kasqa chaypi rit’ipatanta suchuspa purej kasqanku á. Chay iskay wawakunata rikunakuyta mana atisqankuchu.
¿Imaraykutaj chay jina mana atikojpuni kanman sumajyakunarí?
Martej p’unchay kasqa, Lucasqa mana paypachamantachu jinasqa, chay carrompi atisqanta t’ijushaspa Anaj carronman chokaykuspa wayq’oman chinkaykuchisqa.
Ana: "¡Burro, sonso! ¿Manachu qhawakuspa puriwaj? ¿Mana ñawiyojchu kanki?"
Lucas: "Ana, mana noqapachamantachu, suyaway yanapasqayki."
Ana: "Ama rabiachiwaychu, chinkay kaymanta. Mana yanapanawaykita munanichu."
Lucas: "Ama jinata phiñakuychu, cabra jinaqa."
Chiri ch’uñushajña, cuadernosnin, librosnimpis ch’aritan Anaqa unay yaykusqankumantaña chayarisqa escuelamanqa.
Maestro: "¿Ana, imanakorqankitajrí?"
Ana: "Lucaspuni juchayoj. Pay tanqaykuwan wayq’oman, chantataj t’iju jampurikampun sapayta saqerpawaspa."
Tukuy khuyakusqanku Anamanta, Lucastataj phiña qhawasqanku. Nipipis yachasqachu Anaqa sonqon ukhupi mala kasqanta, jinallataj Lucastapis. Tukuypi chay k’acha amigankuman sayakusqanku, chantapis manaña maman kasqachu.
Runakuna ñawij rikusqallanta qhawanku. Jinapis Diosqa sonqo ukhuta sumajta rejsin. Uj chhipisqa jinalla Anaman nisqa, jinataj Lucasmampis chejnikuyqa jucha kasqanta. Nimayqenta q’omuykuyta munasqankuchu. Chayraykutaj astawan astawan chejnikuy wiñasqa.
Ñapis rit’i chullojtinñaqa, Lucasqa juch’uy Daniwan yuraj misisitun ichurisqawan tinkusqa.
Lucas: "¿Imata ruwashanki?"
Dani: "Anapaj t’ikasta mask’ashani."
Lucas: "Aaa, ¿Anapaj? Hermanaykeqa tonta."
Lucasqa juch’uy Dani makimpi t’ikata jap’ishasqanta qhechurpasa, pampaman choqaspa kikimpi sarunoqasqacharí.
Dani: "Kunanmin kunanqa, tataymampuni willaykusaj."
Lucas: "Mana willankichu..."
Lucasqa juch’uy yuraj misisituntañataj qhechuspa, chaynejpi manchay ukhu chhanka barranku kasqa chayman choqaykunayasqa. Jinallapi uj ñawi ch’iymiypi karpasqa.
Blanca nieves sutiyoj misiqa Lucasta makinta yawar pukata jasp’inoqaspa kacharichikusqa. Danitaj phisqa watitayoj, chay chaynejta misinta mask’aj rispa chay barrankumachá llusk’ajkusqa. Manchay manchharisqataj Lucasqa chay urata qhawaykurisqa.
Lucas: "¡Dani! ¡Dani! ¿kawsashankichu? Ama jina kaspa imallatapis niway."
Ni ima kutichiy kasqachu, Lucasqa wasinman t’ijusqa, uj k’uchuman pakaykukuspa chaypi atisqanta waqasqa...
Chaymanta imachus kasqanta qhepallampiña yachanki.
Personajes: Relator, Ana, Lucas, maestro, Dani
© Copyright: CEF Germany