Home -- Punjabi -- Perform a PLAY -- 028 (The very first Easter)
!ڈرامے- ایناں نُوں اپنے بیلیاں لئی ادا کرو
بچیاں دے ادا کرن لئی ڈرامے
82. سب توں پہلا ایسٹر
اج تُسی کِنے چِر توں جاگ رہے ہو؟ مریم تے اوہدیاں سہیلیاں سویرے چھیتی اُٹھیاں۔ پر اوہناں دے دِل بڑے دُکھی سن۔ یسوع اجے وی جیوندہ ہونداجے! کجھ دِن ای ہوئے سن کہ اوہنے سُولی اُتے آپنی جان دِتی سی۔ جدوں اوہ ایہدے بارے سوچدےتے روندے۔
اوہ فجر ویلے اوہدی قور اُتے گئیاں جدوں سورج پیا چڑھدا سی۔
سہیلی: ”مریم، ویکھو! پتھر ہٹیا ہویا اے! اوتھے اک فرشتہ اے!“
فرشتہ: ”ڈرو ناں! میَں جاندا اَں پئی تُسی یسوع نوں لبھدیاں ہو۔ اوہ ایتھے نئیں اے۔ اوہ جی اُٹھیا اے!“
اُمید جاگ پئی! ظاہر اے! یسوع نے اوہناں نوں پہلاں ای دسیا سی پئی اوہ آپنی جان دیوے گا، تے فیر تین دِن بعد جی اُٹھے گا۔ اوہ ایہہ کس طرح بھُل سکدیاں سن؟
فرشتہ: ”آوتے ویکھو ایس تھاں نوں جِتھے اوہناں یسوع نوں رکھیا سی۔“
عورتاں نے قور دے وچ ویکھیا۔ قور خالی سی!
فرشتہ: ”جاوو تے چیلیاں نوں دسو!“
اوہ بڑی خوشی تے حیرانگی نال قور توں مُڑ گئیاں۔ یسوع جیوندا اے! تے راہ وچ او اوہناں نوں ملیا۔ اوہناں نے اوہنوں ویکھیا۔ اوہناں نے اوہنوں چھویا۔ اوہنے اوہناں نال گل کیتی۔
یسوع: ”ڈرو ناں! جاوو تے جا کے ہوراں نوں وی دسو!“
تے اوہناں نے جا کے ایسے طرح کیتا۔
مریم: ”یسوع جیوندا اے!“
سہیلی: ”اوہ جی اُٹھیا اے!“
مریم تے سہیلی: ”قور خالی اے!“
(جدوں ایت پڑھی جائے تے پیچھے ساز وجاوو)
بائبل وچ یسوع تہانوں کہندا اے: ”قیامت تے زندگی میَں اَں۔ جیہڑا میرے اُتے ایمان لیاﺅندا اے بھانویں اوہ مرجائے تَد وی جیئے گا۔ کیہ تُسی ایہہ مندے ہو؟“ (یوحنا ۱۱: ۵۲، ۶۲)
میَں ایس گل نال رب راکھا آکھاں گی جیہڑی مسیحی لوک ایسٹر دے دِن اک دوجے نوں آکھدے نے: ”خداوند جی اُٹھیا اے! اوہ واقعی جی اُٹھیا اے!“
لوک: بیان کرن والی، مریم، مریم دی سہیلی، فرشتہ، یسوع
حقوق: بحق سی ای ایف جرمنی محفوظ نے۔