STORIES for CHILDREN by Sister Farida

(www.wol-children.net)

Search in "Platt":

Home -- Platt (Low German) -- Perform a PLAY -- 087 (I don’t want to live any more)

This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- PLATT (LOW GERMAN) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish? -- Swiss German? -- Tamil -- Turkish -- Ukrainian -- Urdu -- Uzbek

Previous Piece -- Next Piece

DRAMASTEKJA – doo aundre Kjinja daut väaspälen!
Dramastekja fa Kjinja toom väadroagen

87. Ekj well nich mea läwen


In de School worden de Zeugnisse utjedeelt. Simona wia jlekjlich. See kunn daut meist nich aufwachten de Elren äare goode Nooten to wiesen.

Bie Kai wia daut aundasch. Langsam pakt hee no Schoolschluss siene Sachen en.

Sven: "Hey Kai, well wie vendoag Nomedach met onse Biesies (Foaräda) no de Läajcht foaren?"

Kai: "Nä, hab kjeene Freid doato."

Sven: "Waut best du soo langsam. Wellst du in de School to Nacht bliewen?"

Kai: "Go auleen. Ekj well nich mea nohus. In Mate hab ekj eene fief. In Dietsch eene fief. Wan mien Voda daut sitt, schlät dee mie doot. Leewa well ekj mie selfst ombrinjen. Ekj well nich mea läwen. Ekj sie een Nuscht un soo well mie kjeena."

Sven: "Hia opp soon oneedjet to räden. Dien Voda leeft die doch. Dee kjaft die doch ieremol groote Jeschenkja."

Kai: "Dee? Dee leeft doch bloos siene Oabeit. Aules aundre es däm doch krajt endoont."

Sven: "Miena es uk nich een besondasch gooda Mensch. Wann ekj eene Domheit moak, dan woat hee daut iescht en daut det mie jeft. Dan schelt hee wilt rom. Daut kaun eenem aul kaput moaken. Daut gauf Tieden, dan wull ekj uk nich mea läwen."

Kai: "Un, woo es daut vendoag?"

Sven: "Vendoag weet ekj, daut det Jesus jeft. Hee leeft mie, uk wan ekj mol vesajen doo. No am kaun ekj ema komen, uk wann ekj nuscht groosoatkjit jedonen hab. Hee es mien Frint. Uk wan ekj am nich seenen kaun, späa ekj daut doch, daut hee bie mie es. Ekj mot kjeen stoakja Jung senen, bie am doaf ekj uk roaren. Ekj kaun die bloos sajen, daut deit goot."

Kai: "Du hast daut goot. Wan ekj daut doch uk bloos jleewen kun."

Sven: "Wie kjenen ons bie de Läacht doaräwa unjerhoolen. Saul ekj nu met die toop nohusgonen? Vleicht toobt dien Voda dan nich soo, wan doa noch wäa met die toop es."

Kai: "Daut es eene goode Iedee. Du best een gooda Frint."

Sven: "Un no de Ferien kunn wie doch uk maunchet mol toop lieren."

Daut wia werklich goot von Sven, met sienen Frint mettogonen. Kai feeld sich oba doch ziemlich fonich doabie. Oba dan passieed een Wunda: De Voda wort nich wuttich, aus hee daut Zeugnis sach! Hee deed nu sogoa biejäwen, daut hee in de School uk nich sea goode Noten jehaut haud.

Daut kaun schwoa senen, wann de Elren meenen daut det Zeugnis daut baste mot senen.

Oba Jesus es gaunz aundasch. Hee nemt die aun, soo aus du best. Hee leeft die met diene stoakje un met diene schwake Sieden. Hee weet, daut du väl Dinja goot kaunst. Hee weet uk, waut die schwoa fällt. Hee well die halpen. Doawäajens sie mootich un doo am vetruen. Met Jesus woat maun nich fuatz de Klaussenbasta, oba hee halpt die, dien Bastet to jäwen. Toom lieren kaun hee die Freidijkjeit un Wellichkjeit schenkjen. Hab doch Moot un do am vetruen. Du kaunst mea aus du denkjst, met Jesus!


Persoonen: Eena waut vetalen deit, Sven, Kai

Copyright: CEF Germany

www.WoL-Children.net

Page last modified on August 08, 2023, at 07:52 AM | powered by PmWiki (pmwiki-2.3.3)