Platt - Low German, Dramas: Piece 079 – Nich to betolen

This page in HTML4 - Print - Bottom

Home -- Platt (Low German) -- Perform a PLAY -- 079 (Invaluable)

This page in: -- Albanian -- Arabic ? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi ? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam ? -- PLATT (LOW GERMAN) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German ? -- Tamil -- Turkish -- Ukrainian -- Urdu -- Uzbek

Previous Piece -- Next Piece

DRAMASTEKJA – doo aundre Kjinja daut väaspälen!

Dramastekja fa Kjinja toom väadroagen

79. Nich to betolen

(Wota spretzt) Een Maun, dee diere Steena (Perlen) im Mäa siekjen deit, sprinjt nu wada met väl Jeschekj im Mäa nen. Sien basta Frint, David Morse, luad doa im Boot bat dee bruna Kopp wada oppducken deit. Met eenem Kjnipsmassa moakt hee de Austermuschel op.

David Morse: "Rambhau, du best een sea gooda Unjaduka. Dis diera Steen es sea väl wieet."

Rambhau: "Jo, dee es nich schlajcht."

David Morse: "Jeft daut noch eene bätre Perl?"

Rambhau: "Ekj hab Tus eene. Dee es väl wieetvolla."

David Morse: "In miener Meenung es dise vollkomen. Diene Uagen kjikjen to neiw."

Rambhau: "Daut es krajt daut waut du ema von dienem Gott sajchst. De Menschen denkjen, see sent in ordnung, oba du sajchst, Gott kaun seenen, woo daut werklich es."

David Morse: "Jo, daut stemt. Oba hee well eenem jiedrem een reinet Hoat jäwen. Daut es Gott sien Jeschenkj, vesteist du daut?"

Dee beid Frind wieren bat de Kaunt vom Wota jekomen.

Rambhau: "David, daut es mie to eefach. Ekj sie to stolt, om dit Jeschenkj auntonämen. Ekj well waut doonen. Kaunst du däm Pilja doa seenen? Dee jeit boaft äwa spetze Steena bat Kalkuta. Ekj woa opp miene Kjneen no Delhi rutschen."

David Morse: "Rambhau, daut sent mea aus 1000 Kilometa. Un ea du doa best, woascht du aun Blootfejeftung stoawen."

Daut holp aula nuscht, waut David Morse säd. Poa Doag wieren vegonen.

(Kloppren)

David Morse: "Rambhau, du? Kom nen."

Rambhau: "David, morjen fanj ekj miene Piljareis aun. Ekj mucht die toom Aufscheet von mienem Sän vetalen."

David Morse: "Du hast eenen Sän?"

Rambhau: "Hee wia dee basta Perlensiekja in Indieen. Dee schmokste Perl wull hee finjen. Un hee haft dee jefunjen. Oba wiels hee doabie to lanj unja Woata wia es hee boolt doaropp jestorwen. (Hielen) Wiels du mien basta Frint best, well ekj die dise Perl schenkjen."

David Morse: "Rambhau, dee es wundaboa. Vollkomen! Ekj kaun dee onmäalich aunnämen. Ekj jäw die 10.000 Rupien doafäa."

Rambhau: "Dee kaunst du nich kjeepen!"

David Morse: "Wan dee mea Wieet es, dan well ekj doafäa oabeiden."

Rambhau: "David, dee jeit nich to betolen. Mien Sän haft doafäa met sienem Läwen betolt."

David Morse: "Rambhau, dit es krajt daut, waut ekj die ema von Gott jesajcht hab. Sien Jeschenkj, de Erleesung kaun maun nich betolen. Nich derch goode Woakjen, noch derch Piljareisen. Daut es een Jeschenkj von Gott, wiels daut haft Jesus, sienen Sän daut Läwen jekost. West du dit Jeschenkj vendoag aunnämen?"

Rambhau: "Nu vesto ekj. Daut haft daut Läwen von sienem Sän jekost. Ekj well daut Jeschenkj von de Erleesung aunnämen."

De Erleesung es een Jeschenkj von Gott, uk fa die.

Persoonen: Eena waut vetalen deit, David Morse, Rambhau

This page in HTML4 - Print - Top